معتز هشام: مكنتش بعرف أوازن بين الشغل والدراسة
كشف الفنان الشاب معتز هشام، موقف الدراسة في حياته في حين أنه يعمل، مؤكدًا أنه يحاول إنهاء دراسته في الوقت الحالي.
وقال معتز هشام خلال حواره مع القاهرة 24: أنا بدرس في المعهد العالي للفنون المسرحية، وفي فترة معينة مكنتش بعرف أوازن بين الشغل والدراسة، بس دلوقتي في الفترة اللي أنا فاضي فيها أو مش بعمل فيها حاجة، بخلص اللي ورايا في المعهد.
وكان تحدث معتز هشام، عن القضية التي يناقشها مسلسل ليه لأ 3، بطولة الفنانة نيللي كريم، والذي يعرض حاليًا، وقال: من الضروري مناقشة الأم مع أبنائها في إمكانية ارتباطها بشخص جديد بعد الانفصال عن والدهم، ومينفعش تطاول الأبناء على الأهل زي ما ياسين عمل خلال أحداث المسلسل، وعايز أقول للشباب اللي شخصيتهم شبه ياسين إن اللي بيعملوه ده غلط.
معتز هشام: ضرب نيللي كريم ليا بالقلم كان حقيقي
وكشف معتز هشام حقيقة صفع نيللي كريم له في أحد مشاهد المسلسل، قائلا: القلم كان بشكل حقيقي، وقمنا بإعادة المشهد ما يقرب من مرتين، وحضرت للمشهد ده كتير واستنيته وقت طويل؛ لأنه مشهد مهم بالنسبالي، وعلى الصعيد المهني كنت سعيد بيه، وسعدت أكتر بإعجاب وتفاعل الجمهور معاه.
مسلسل ليه لأ 3
يشارك في بطولة مسلسل ليه لأ 3، عدد من الفنانين، أبرزهم الفنانة نيللي كريم، أحمد طارق، صلاح عبد الله، نادين، فريدة رجب، معتز هشام، عايدة رياض، هديل حسن، مروان وليد، وآخرين، والعمل من تأليف مريم نعوم، وإخراج نادين خان.
