ربنا يسامحني.. سميرة محسن: إيماني مش بلبس الحجاب لكن موجود في القلوب
تحدثت الفنانة سميرة محسن، عن سبب عدم ارتدائها الحجاب، مشيرة إلى أن الإيمان في القلوب وليس بارتداء الحجاب.
وقالت سميرة محسن في تصريح خاص لـ القاهرة 24: إيماني مش بلبس الحجاب ومؤمنة أن الإيمان موجود في القلوب مش بلبس الحجاب وكمان الجو حر ألبس الحجاب ليه وربنا يسامحني.. كل ما الثقافة بتزيد كل ما الفرص عند الإنسان والوعي بتزيد.
وعن مشوارها الفني، أوضحت سميرة محسن: أنا راضية عن مشواري الفني كله وده شيء يشرفني ويشرف ولادي، لإني عملت أعمال تاريخية وأعمال ماتحرجنيش أمام عيلتي وجوز أختي يشوفها.
وأضافت سميرة محسن: جميع أعمالي كانت مع مخرجين محترمين وكان مش مهم عندي كسب الفلوس، المهم الفن الهادف اللي بتشوفه العيلة كلها وتكون راضية عنه، وخالد النبوي أعتبره ابني ودائما على تواصل مع بعض.
وعن رأيها في الجيل الجديد، ردت سميرة محسن: الجيل بتاعي مقارنة بالجيل الجديد عبارة عن شرق وغرب إحنا اتربينا إننا لازم نكون مثقفين في جميع الجهات، ونكون اتربينا أنه لازم تثبت وجودك بالدليل، نجاح زمايلي اللي شفتهم قدامي بيدرسوا في المعهد مثل رامز جلال وكمال أبو رية وماجدة زكي وسوسن بدر.
آخر أعمال سميرة محسن
يعد مسلسل الضاهر، آخر أعمال سميرة محسن، الذي عرض عام 2019، والعمل من بطولة محمد فؤاد، رغدة، تامر عبد المنعم، وعدد آخر من الفنانين، والعمل من تأليف تامر عبد المنعم وإخراج ياسر زايد، وتدور أحداث العمل في إطار اجتماعي.
