المنتجة ندى السبكي: بويكا بيتفاءل بملابسه بحرب كرموز وكررها في فيلم مطرح مطروح
تحدثت ندى السبكي، منتجة فيلم مطرح مطروح، عن مشاركة الممثل العالمي سكوت آدكينز الشهير بـ بويكا، في فيلمها الجديد مطرح مطروح، الذي طرح في دور السينما أمس، 19 يوليو الجاري.
وقالت ندى السبكي، خلال حوارها مع القاهرة 24: بويكا لما بييجي بيبقى متفق على عدد أيام وساعات التصوير وإنه يصور البوستر قبل ما يمشي، كل دي بتبقى اتفاقات بينا هو مش بييجي كده.
وعن تشابه هيئة الممثل سكوت آدكينز، بنفس هيئته في فيلم حرب كرموز للفنان أمير كرارة، أكدت: بويكا بيتفائل بلبس حرب كرموز فخليناه يصور بنفس اللبس، وحرب كرموز فيلمنا برضه فـ إحنا بنتفائل بيه.
وأوضحت ندى السبكي كيفية تحديد ميزانية العمل: إحنا بنصرف على الفيلم اللي الورق محتاجه وعايزه، لازم نعمله عشان في الآخر إحنا مدام عجبنا السكريبت، يبقى لازم ننفذه كما قال الكتاب بظبط.
فيلم مطرح مطروح
وأُقيم العرض الخاص لفيلم مطرح مطروح، الثلاثاء الموافق 18 يوليو، في أحد دور السينما، وحضره عدد من أبطال العمل، كما حرص الفنان محمود حميدة بطل العمل، على التعليق على تصريحات الفنان بيومي فؤاد عن أزمة فيلم مطرح مطروح، التي أكد من خلالها أن منتج الفيلم استبدله بـ الأخير، وقال حميدة: لو كنت اعرف إن بيومي فؤاد كان المفروض يكون في فيلم مطرح مطروح مكنتش هعمله.
أبطال فيلم مطرح مطروح
يشارك في بطولة فيلم مطرح مطروح، عدد من الفنانين، أبرزهم محمود حميدة، شيماء سيف، ليلى أحمد زاهر، كريم عفيفي، والعمل من تأليف محمد عز وإخراج وائل إحسان.
