حسن شاكوش عن أزمته مع ريم طارق: الراجل زي الست عنده شرف وكرامة.. واللي سمعته في حقي ما يرضيش ربنا
رد مطرب المهرجانات حسن شاكوش على الإهانات التي تعرض لها مؤخرًا على إثر أزمته مع طليقته ريم طارق، مشيرًا إلى أنه كان يرفض الحديث لأنه لا يتجرأ أن يتحدث عن سيدة أو فتاة، لافتًا إلى أنه تعرض لاتهامات وألفاظ صعبة.
وقال حسن شاكوش في فيديو نشره عبر حسابه بموقع فيس بوك: عارفين المشكلة اللي كانت بيني وبين الإنسانة اللي كانت مراتي وكنت ساكت جدًا والفترة اللي فاتت نزلت بوست على صفحتي، وقلت مستحيل أتكلم على واحدة كانت مراتي أو مش مراتي ولا عمري جبت سيرة بنت أو غلطت في حق بنت، وعارف يعني إيه المرأة المصرية وشرف المرأة المصرية، وزي ما الست ليها شرف وكرامة الراجل ليه شرف وكرامة.
وأضاف: وشغلنا معتمد على سمعتنا واتجاهي واتجاه شغلي للبنات وللمجتمع بتاعي واللي بيحبني وكل اللي بيسمعني ناس محترمة، وليهم كل التحية والتقدير وما ينفعش أجيب سيرة واحدة وحش، وده اللي اتربيت عليه واللي أهلي ربوني عليه لأني من منطقة شعبية وراجل صعيدي، وما اتكلمتش مش خوف ولا ضعف ولكن علشان الإنسانة دي كانت مراتي ما بينفعش اتكلم في حاجة تمسني أو تمسها لأني لو اتكلمت أو جبت سيرتها هتعود عليا علشان كنت في يوم من الأيام الراجل بتاعها وجوزها، وما ينفعش الراجل يجيب سيرة مراته ورغم أبشع الألفاظ اللي سمعتها، وأهلي اللي اتشتموا على السوشيال ميديا وكنت بقول لهم محدش يتكلم، وكنت طول الفترة اللي فاتت في ضغط عصبي وفي عز المشاكل ما اتكلمتش.
واستكمل: طلعت أوضح المعلومة وأني ليا حق الرد وأن زي ما الست المصرية عندها شرف وكرامة لازم نحترمها والراجل كمان عنده شرف وكرامة وبقول كفاية كده لازم لما تسمعوا من الطرفين وللأسف وصل بينا المرحلة أننا نتكلم في شرف الراجل وشرف الست واللي سمعته في حقي ما يرضيش ربنا.
وأردف: أنا اتجوزت 55 يوم فقط، واللي كنت هتكلم فيه طليقها اتكلم فيها وقاله.
