نورهان منصور: ضربت واحد اتحرش بيا.. وقربي من الله بيحسسني بدعمه ليا
كشفت الفنانة نورهان منصور، تعرضها للتحرش في وقت سابق، مؤكدة أن رد فعلها في تلك اللحظة كانت تلقائية، كما تحدثت عن بدايتها الفنية.
وقالت نورهان منصور في تصريحات تليفزيونية: ضربت واحد اتحرش بيا قبل كده وكان رد فعلي وقتها كان تلقائي بصراحة.
وأضافت: أهم حاجة في حياتي إني أكون على اتصال قوي بـ ربنا وده بيفرق معايا جدًا بيحققلي نشوى كبيرة وبحس بدعمه ليا أوي، ولما بقصر برجع بشوق كبير أوي.
وأردفت: مش عارفة ليه الناس واخدة فكرة عني على السوشيال ميديا إني بنت بحب الفاشون واللايف ستايل والسفر، ولكن أنا بحب السفر والدراسة والقراءة جدًا، أنا ملتزمة ومنظمة أوي بزيادة.
نورهان منصور: تؤامي رانيا ساعدتني في دخول الوسط الفني
أما عند بدايتها الفنية، فقالت نورهات منصور: أنا درست مسرح بس كنت حابة أشتغل ورا الكاميرا، لكن رانيا أختي من البداية هي اللي كانت محددة من البداية إنها عايزة تمثل، ولكن أنا وهي عملنا مع بعض مسلسل نصيبي وقسمتك، ونقدر نقول أن رانيا هي اللي ساعدتني.
أعمال رانيا منصور
وكانت أولى أعمال الفنانة رانيا منصور، هي مشاركتها في حكاية بدلة جديدة، من حكايات مسلسل نصيبي وقسمتك، تأليف عمرو محمود ياسين، والحكاية بطولة شريف سلامة ورانيا منصور وشقيقتها نورهان منصور وسلوى عثمان وإخراج محمد جمعة وتدور أحداث الحكاية في إطار خيال علمي مثير.
