سميرة محسن: كل سن له آرائه.. وكنت في عيلة محافظة وأنا صغيرة
قالت الفنانة سميرة محسن، إن كل سن له آرائه المختلفة، مشيرة إلى إنها كانت تنتمي لعائلة محافظة على حد تعبيرها.
وقالت سميرة محسن خلال حوارها مع القاهرة 24: كل سن وله آرائه، يعني أنا مثلا وأنا عندي 16 و20 سنة مش زي دلوقتي.
وأضافت سميرة محسن: كل ما ثقافتك وخبرتك بتزيد، بتبقي قابلة أو رافضة أشياء عملتيها، التجربة والحياة ورقعة الثقافة بتزيد.
وأكملت سميرة محسن: أنا عمري ما روحت رحلة خارج القاهرة مع المدرسة مثلا، لأن عندنا مفيش حد يبات برة، وعمري ما زورت صاحبتي في بيتها وكنا نرجع من الخروج الساعة 9، ده جيلي وأنا قديمة شوية.
سميرة محسن: اعتزلت الفن ومش هرجع تاني
كما تطرقت الفنانة سميرة محسن في حديثها، لـ سبب اعتزالها الفن وسلبيات المهنة في الفترة الحالية، قائلة: أنا معتزلة بقالي أكتر من سنتين.. ومكنتش حابه إني أفصح عن القرار، وأخدت وقت في التفكير لمدة 4 أو 5 شهور.
وتابعت سميرة محسن: سبب اعتزالي هو مواعيد التصوير وإني أصور 15 و16 ساعة في اليوم.. ده غير إنساني وغير فني، ومفيش بني آدم يقدر يصور 15 ساعة متواصلة.. مش هيطلع فن هيطلع نوم.
وأضافت: الممثل برا مصر بيصور 6 ساعات وعنده ساعة راحة بينام فيها، وقفلت البطاقة الضريبية ومش راجعة مرة تانية للفن، ومرتبي من الأكاديمية مش قليل.
