هل على عامل اليومية زكاة؟.. أمين الفتوى يجيب
أجاب الشيخ عويضة عثمان أمين الفتوى بدار الإفتاء، على سؤال متصل يدعى ناصر، من الأقصر، حول إنه فلاح ويرزق يوم بيوم، فهل عليه زكاة؟
هل على عامل اليومية زكاة؟
وقال أمين الفتوى بدار الإفتاء المصرية، خلال حلقة برنامج فتاوى الناس، المذاع على فضائية الناس، اليوم الخميس: ده رزق يوم بيوم، والله الواحد بيتعجب من الناس الجميلة، بيقول عليا زكاة، وده مفيش عنده مال وعاوز يخرج زكاة، ربنا أكرمك إن رزقك يوم بيوم، مفيش عليك زكاة لكن عليك صدقة تخرجها حتى لو رغيف عيش.
وأضاف أمين الفتوى: سيدنا محمد صلى الله عليه وسلم، كان يأكل يوم ويجوع أيام، شوف حبيب الله علشان يعلمنا كان بيقعد بالأشهر لا تقاد النار في بيته، شوف ده حبيب ربنا لو قال عاوز جبل أُحد ذهب هيكون ذهب.
وفي سياق آخر، أكد الشيخ عويضة عثمان، أمين الفتوى بدار الإفتاء، أن توقيت أذان الفجر الصادق المعمول به حاليًّا في مصر هو التوقيت الصحيح قطعًا، محذرا من الانسياق وراء هذه المزاعم المغلوطة التي يرددها الجهلاء.
وأضاف أمين الفتوى خلال تصريحات تليفزيونية: الفجر عندنا يؤذن في موعده، فيه ناس بتلعب في أدمغة الناس، لدرجة إن البعض بيقولوا لو بعد الفجر كلوا واشربوا براحتكم لسه باقي نصف ساعة على الفجر في رمضان، ده كلام فارغ وكلام غير علمي، لازم نأخذ بالنا من هذا، اللي هيصلي بعد الأذان صلاته صحيحة.
