تامر حسني عن حفله بمهرجان العلمين: أهم وأحلى حفلة في مشواري
أعرب الفنان تامر حسني عن سعادته البالغة بحفلته في مدينة العلمين، أمس الجمعة الموافق 21 يوليو 2023، ضمن فعاليات مهرجان العلمين.
ونشر تامر حسني مجموعة من صور حفل أمس، عبر حسابه الرسمي بموقع انستجرام، معلقًا: يمكن قولت كتير على حفلات إنها من أحلى حفلات حياتي، بس حفلة العلمين إمبارح بجد هي أحلى وأهم حفلة عملتها في مشواري الفني كله.
وأضاف: من أول دخلة الحفلة بالطيران على كل هذا الارتفاع، واللوحة الخاصة بكل أغنية بغنيها، وعروض استعراضية متناسقة مع كل الجرافيكس المعروض على الشاشات المتناسق أيضًا مع إبهار الألعاب النارية، اللي بيعبر عن كل حرف في أي أغنيه بغنيها.
وأكمل تامر حسني: بجد الحفلة دي كان وراها ناس كتير مخلصة وبتحب شغلها، وقبل أي شيء حابين بعض وحابين الخير لبعض، عشان كده طلعنا بالنجاح الجماهيري الخرافي ده، والنجاح المسرحي التاريخي ده.. شكرًا جمهورنا الراقي، شكرًا صناع الحفلة، شكرًا لاختياري لافتتاح مهرجان العلمين.
كلمة تامر حسني في حفل العلمين
وشهد حفل تامر حسني بالعلمين توافد جماهيري كبير، ومن أبرز لقطات الحفل كلمة تامر حسني على المسرح بعد دخوله الحفل، حيث قال: منورين كلكم، وأنا بتشرف إن تم اختياري لافتتاح مهرجان العلمين.. المهرجان ده عايزين نحافظ عليه علشان يجمعنا ويجمع كل نجومنا من مصر وكل الوطن العربي.
