أوس أوس: علي ربيع أحسن حد في جيلنا.. وهركز في السينما الفترة المقبلة
كشف الفنان أوس أوس عن تفاصيل أعماله الفنية في الفترة المقبلة بعد مشاركته في فيلم مستر إكس، مشيرًا إلى إنه سيتجه للأعمال السينمائية.
وقال أوس أوس، خلال لقائه ببرنامج الحكاية للإعلامي عمرو أديب: بإذن الله هشتغل على خطوة جديد في السينما، ولو عملت مسلسل هيبقى 10 حلقات، والأهم بالنسبالي في حياتي السينما، ومحتاج أشتغل 20 سنة ورا بعض علشان أوصل لبيومي فؤاد.
وتابع أوس أوس: لسه ببتدى ومش في حساباتي البطولة، أحسن حد في جيلنا هو علي ربيع في مسرح مصر، وسبقنا في الخطوة، لكن إحنا محتاجين لسه شوية.
وتحدث أوس أوس عن كواليس تحضيرت العمل، حيث قال: فيلم مستر إكس قعدنا سنة شغالين على الورق وعلى كل مشهد، فـ لما جينا نصور بقينا مش بنعدل حاجة، مجرد شوية إفيهات ممكن تتضاف بس، فـ ده فادنا جدًا عشان الشغل أصلا جاهز على الورق، وبقالنا كتير مش بنعمل أعمال كوميدية كبيرة، ومستر إكس فيلم مصروف عليه فعلا.
أبطال فيلم مستر إكس
ويضم فيلم مستر إكس مجموعة كبيرة من أبرز الفنانين ومنهم، الفنان أحمد فهمي، الفنانة هنا الزاهد، محمد أنور، أوس أوس، بيومي فؤاد، رحاب الجمل، وآخرين، ومن تأليف وإخراج أحمد عبد الوهاب، وإنتاج أحمد السبكي، وينتمي العمل لنوعية الأعمال الكوميدية.
