أحمد فهمي: هشجع إمام عاشور في الأهلي.. والأعمال الكوميدية هي الأصعب
كشف الفنان أحمد فهمي عن رأيه في صفقة إنضمام إمام عاشور إلى النادي الأهلي، مؤكدًا إنه سيدعمه بشكل كبير لإنه لاعب بالنادي الأهلي.
وقال أحمد فهمي، خلال لقائه ببرنامج الحكاية للإعلامي عمرو أديب: رمضان مشي عادي، والجمهور لازم يعرف إن اللاعيبة مش زي ما هما فاكرين، الكل بقى مهتم بأكل العيش، وفكرة إن حازم إمام ميروحش الأهلي ده كان زمان، وأنا بحب رمضان صبحي جدًا وبقيت مؤهل إن أي حد يمشي من الأهلي، وبقول للجمهورين شجع ناديك بس سواء الأهلي أو الزمالك، وإمام جه الأهلي هشجعه، ولو مشي راح الزمالك جمهور الزمالك يشجعه.
وتابع الفنان أحمد فهمي حديثه عن تفاصيل مسلسله الجديد السفاح، المقرر عرضه قريبًا، إذ قال: الكوميديا صعبة جدًا، بعمل مسلسل اسمه سفاح الجيزة قصة حقيقة، السفاح اللي لسه متعدمش، وقصة تقيلة جدًا، ومستر إكس أصعب من السفاح، هيتعرض في شهر 9، الكوميدي مفهاش هزار، ولو قولت حاجه دمها تقبل هتبقة وحشة، وكل اللي في الأفلام مش جيلي، والفرق بيني وبين كريم عبد العزيز 5 سنين، وبحب أبقى مختلف، ألعب في كل المناطق.
فيلم مستر إكس
وكانت آخر أعمال الفنان أحمد فهمي هي مشاركته في فيلم مستر إكس، الذي نافس بقوة في موسم أفلام عيد الأضحى، وضم العمل مجموعة كبيرة من أبرز الفنانين رفقة أحمد فهمي، ومنهم هنا الزاهد، محمد أنور، أوس أوس، ومن إخراج أحمد عبد الوهاب.
