عاشرني وأنا نايمة.. ننشر التحقيقات مع سيدة أصابت زوجها بعاهة بالمطرية
كشفت التحقيقات، في واقعة بتر العضو الذكري لشخص على يد زوجته في منطقة المطرية، التفاصيل الكاملة للجريمة، بعدما عاقبت محكمة الجنايات المتهمة بالسجن المشدد 10 سنوات.
التحقيقات مع سيدة أصابت زوجها بعاهة بالمطرية
وحصل القاهرة 24، على نص التحقيقات في القضية، حيث أقرت السيدة التي تدعى (سامية. ف. ب)، أنها قطعت العضو الذكري لزوجها عرفيًا المجني عليه أسامة (خ. ف)، عمدا باستخدام سلاح أبيض «سكين» وإلقائه في القمامة ثم في الشارع.
وأقرت السيدة بالتحقيقات قائلة: أنا ضربته بس مكنش قصدي أموته، والسكينة دي كانت عندنا في الشقة، واللي حصل إني منفصلة عن جوزي من حوالي 13 سنة واتعرفت على أسامة من حوالي سنتين وأنا كنت عاوزة اشتري شقة علشان عاوزة أقعد فيها لوحدي ومنفعش أخد شقة باسمي وأسامة كان معايا وأخدت أنا وهو شقة باسمه وأنا دفعت فلوسها.
وتابعت السيدة المتهمة في التحقيقات، قائلة: كنا مش بنام مع بعض وأنا كنت بنام كل يوم لوحدي في الشقة في أوضة وكنت باخد برشام منوم كل يوم علشان أعرف أنام وهو بینام في أوضة تانية وكل ما أصحي الصبح ألاقي نفسي متبهدلة وكأن حد كان معاشرني جنسيا.
وأردفت المتهمة بقطع العضو الذكري لزوجها بالتحقيقات، قائلة: في يوم كنت نايمة وبصحي لقيته مقلعني هدومي وهو كمان كان عريان خالص وكان بيمارس الجنس معايا وكان حالته مش طبيعية زي ما يكون شارب حاجة، فأنا قلتله بتعمل إيه وبعد كده ببص لقيت فيه سكينة على الترابيزة جنب السرير ورحت على طول جبت سكينة وقطعت عضوه الذكري والحتة اللي قطعتها رميتها في الزبالة ورميت الزبالة في الشارع وسبت الشقة ومشيت.
وكانت أمرت جهات التحقيق بإحالة المتهمة (سامية. ف. ب) في القضية إلى محكمة الجنايات المختصة بدائرة محكمة استئناف القاهرة لمعاقبتها للتعدي على المجني عليه (أسامة. خ. م)، مع سبق الإصرار بأن بيتة النية وعقدت العزم على ضربه لوجود خلافات بينهما، ودست عقار منوم للمجني عليه بمشروب وما أن غلب عليه النعاس حتى بترت عضوه الذكري مستخدمة في ذلك سلاح أبيض، قبل أن تعاقب محكمة الجنايات المتهمة بالسجن المشدد 10 سنوات.
