منى فاروق بعد إعلان اعتزالها الفن: اعتزلت السوشيال ميديا فقط.. وبطلب شغل ويبقى عندي كارنيه نقابة وحقوق
كشفت الفنانة منى فاروق، حقيقة اعتزالها مجال الفن، بعدما أثارت جدلًا واسعًا خلال الساعات الماضية، عبر مواقع التواصل الاجتماعي بإنهاء مسيرتها الفنية بسبب قلة عرض الأعمال الفنية عليها، مؤكدة أنها قررت اعتزال السوشيال ميديا وليس الفن بسبب الضغوط النفسية التي تتعرض لها.
وقالت منى فاروق في تصريحات لـ القاهرة 24، إنها اعتزلت السوشيال ميديا لأنها تعرضت للأذى من خلالها، وفي حالة اتخاذ قرار اعتزال الفن، فهذا يرجع إلى عدم التقدير من المخرجين والمنتجين الذين لم يعرضوا عليها أعمالً، إذ أوضحت: اعتزلت السوشيال ميديا علشان متأذية منها نفسيًا جدًا.
منى فاروق: هعتزل السوشيال ميديا علشان الضغط النفسي
وأضافت مني فاروق: مش متقدرة في الفن بطريقة تخليني أكون موجودة فأنا هعتزل كل ما يؤذيني، ولكن أنا هعتزل دلوقتي السوشيال ميديا علشان الضغط النفسي.
وحول أقاويل البعض عبر مواقع التواصل الاجتماعي، أنها تتبع خطوات العديد من الفنانين لتصدرها التريند فقط، قالت: هعتزل علشان التريند ليه هو أنا حرام إني أشتغل، من حقي إني أشتغل أنزل اللوكيشن لأني بحب شغلانتي أكتر من الشو ومستعدة أشتغل وأمسح كل السوشيال ميديا، الدكتورة النفسية قالت ليّ الحل إنك تشتغلي.
منى فاروق: أنا بطالب إني أشتغل ويبقى عندي كارنية نقابة وحقوق
كما ناشدت منى فاروق، المخرجين والمنتجين من أجل المشاركة في أعمال فنية، وحصولها على كارنية نقابة المهن التمثيلية، قائلة: أنا بطالب إني أشتغل ويبقى عندي كارنية نقابة وحقوق.
كما وجهت رسالة للمخرجين، قائلة: لو أنتوا شايفين إني مش موهوبة حد يبلغني لكن مفيش حد في الوسط الفني اختلف عليّا إني ممثلة شاطرة، قبل كده ناشدت مخرجين وممثلين أنا مش بشتغل ليه حد يقول إني مش ممثلة موهوبة وبسعى إني أكون موجودة.
وتابعت: شاركت في أكتر من 5 أعمال تخليني أخد كارنية النقابة، ليه مش معايا كارنية نقابة، ليه بتعامل وحش، ليه المخرج يقول بلاش منى، أنا عايزة أشتغل لأن ده من حقي، أنا مش متقدرة من 5 سنين، خلاص هعتزل وأتجوز وأقعد في البيت.
