صبري فواز: الفلوس مجرد وسيلة مينفعش نجري وراها.. وكنت بقبض 650 جنيه
تحدث الفنان صبري فواز عن الصعوبات التي واجهته خلال مسيرته الفنية، مؤكدًا أنه تعرض للإحباط أكثر من مرة ولكنه لم يستسلم.
وقال صبري فواز خلال تصريحات تليفزيونية: أنا بيحصلي حالات إحباط كتير وساعات بكون متفق على عمل وبعدها بيحصل ظرف ومش بيكمل، ولكن أنا عندي استعداد أبدأ من الصفر مهما حصل ودا حصلي كتير، ولما بيحصلي كدا بشحن طاقتي وبروح ورش تمثيل أو عروض في الأوبرا.
وأضاف صبري فواز: أنا لفيت مسارح مصر وكنت باخد 650 في 3 شهور على المسرحية، وشقيت كتير وتعبت والمسرح أخد عمري ولكن منحني كل شيء مميز كـ ممثل وكان نفسي زمان في دور كبير وحد يديني مساحة عشان أبين موهبتي؛ لإن زمان مكانش فيه مخرجين كتير بيشوفوا مواهب في المسرح ولكن فيه بعض المخرجين بيعملوا كدا وبشكرهم.
وواصل صبري فواز: الفلوس وسيلة بمشي بيها الدنيا لكن مش غرض ولا تنفع تكون غاية عشان لو دا حصل هنكون عبيد للأشياء نجري طول العمر ورا الفلوس، رغم إنها موجودة عشان نتبسط.
آخر أعمال صبري فواز
وعلى جانب آخر، يعيش صبري فواز حالة من النشاط على المستوى الفني؛ حيث شارك في العديد من الأعمال الفنية التي حققت نجاحا كبيرا، من بينها: مسلسل وبينا ميعاد بالتعاون مع شيرين رضا، ومسلسل رمضان كريم الموسم الثاني.
