صوفينار من عزاء طليق بوسي: أطيب شخصية قابلتها في مصر.. وكان بييجي على نفسه عشاني
انهارت أرملة المنتج وليد فطين طليق المطربة بوسي، خلال تلقيها عزاء الراحل المقام في مسجد الخلفاء الراشدين بمحافظة الجيزة، وحرصت الراقصة صوفينار على مواستها وتقديم واجب العزاء في مدير أعمالها.
وقالت أرملة طليق بوسي باكية: حسبي الله ونعم الوكيل فوضت أمري إلى الله، إنا لله وإنا إليه راجعون، محدش واخد منها حاجة، الظلم وحش أوي، الظلم ظلمات يوم القيامة.
وتابعت منهارة من البكاء: إن الله لا يحب الخائنين، هي خانته وغدرت بيه، أنا عارفة إن ربنا مش هيسيب حقه، ربنا أخد فطين من ظلمك يا بوسي، حسبي الله ونعم الوكيل فيكي يا بوسي، حقك عند ربنا مش هيضيع يا فطين ودايمًا بتقولي ربنا مبيرضاش بالظلم وهيجيب لينا حقنا، دعوة المظلوم مفيش بينها وبين ربنا حجاب.
كما تحدثت الراقصة صوفينار عن تفاصيل علاقتها بمدير أعمالها الراحل وليد فطين طليق بوسي، باكية: كان بيقولي خلي بالك على نفسك، مكنش خايف على نفسه وخايف عليا، هو كان مدير أعمالي من 12 سنة مشوفتش منه إلا الخير، وكان بييجي على نفسه علشاني.
وأضافت صوفينار: كان من أطيب الشخصيات، ولو قدامي أنا مش هصدق إن ده بني آدم يرفع إيده على ست مستحيل، كان أطيب شخصية قابلتها في مصر.
وفاة المنتج وليد فطين طليق المطربة بوسي
وسبق وأعلن المطرب حمزة الصغير، وفاة المنتج وليد فطين، طليق المطربة بوسي، وكتب في منشور عبر حسابه الشخصي بموقع فيسبوك: لا حول ولا قوة إلا بالله، الله يرحمك يا فطين ويغفر لك يا فطين، أرجو الدعاء له وقراءة الفاتحة، خبر صادم بصراحة.
