بيومي فؤاد: العمل الفني اللي بيكتبه مؤلف واحد بيكون أفضل من ورش الكتابة.. وأنا شخصية خجولة
أعرب الفنان بيومي فؤاد عن استيائه من فكرة ورش الكتابة، مشيرًا إلى أنه ليس فنًا ولا يعقل أن يحدث في صناعة السينما.
وقال بيومي فؤاد خلال لقائه ببرنامج أسرار النجوم: اللي بيحصل دلوقتي في الصناعة مينفعش، ودا اسمه “شبه الحاجات” وزمان كان عندنا مؤلف ودلوقتي عندنا ورش كتابة والفيلم اللي بيكتبه أكتر من شخص مش هيكون زي اللي بيكتبه مؤلف واحد.
وأضاف بيومي فؤاد: إزاي لما اتكلم مع مؤلف في الورشة عن مشهد في العمل بتاعه ميكنش عارفه ويسألني هو موجود ولا لا، هل دا يعقل؟
وسبق وتطرق بيومي فؤاد للحديث عن سبب قلة ظهوره إعلاميا، وقال خلال لقائه ببرنامج أسرار النجوم: أنا بقيت أقلل من ظهوري الإعلامي لأني خجول وصراحتي بتزعل بعض الأشخاص مني خصوصا إني مبعرفش اتجاهل وأقول معرفش أو أنا مالي، واللي في قلبي بقوله بدون تزيين ودا بيزعل الناس لأني مبعرفش أمسك العصاية من النص.
كما سبق وكشف بيومي فؤاد إمكانية خضوعه لعملية تكميم لإنقاص وزنه، وقال في تصريح سابق لـ القاهرة 24: أنا مش هلجأ لأي عمليات أو عملية تكميم عشان أخس، ولكني الفترة الجاية هسافر برا مصر عشان أقلل من وزني لأنه تعبني صحيا.
آخر أعمال بيومي فؤاد
وعلى جانب آخر، يعيش بيومي فؤاد حالة من النشاط على المستوى الفني، حيث شارك في العديد من الأعمال الفنية التي حققت نجاحا كبيرا، من بينهم فيلم ماما حامل ومسلسل 1000 حمد لله على السلامة.
