كريم عفيفي: بحب السينما أكتر من المسرح وهذا سبب ضعف إيرادات مطرح مطروح
حل الفنان كريم عفيفي، ضيفًا على برنامج الراديو بيضحك، تقديم الإعلامية فاطمة مصطفى، وخلال لقائه كشف تفاصيل مشاركته في فيلم مطرح مطروح، وأسباب ضعف إيراداته في دور العرض السينمائي، إلى جانب حديثه عن العديد من الأسرار حول مشواره الفني.
نستعرض لكم في هذا التقرير أبرز تصريحات كريم عفيفي
-الجزء التاني من مسلسل رمضان كريم هينجح بس محتاج يأخذ وقت.
-اتخانقت مع علي ربيع علشان مكنش عايز يكمل في مسرح مصر علشان نكمل دراسة ومنقصرش فيها.
-مسرحية أنستونا وحشاني جدًا وبقعد أسأل هنرجع نعرض تاني إمتى.. وبحب السينما أكتر من المسرح.
-مسرح مصر كان بالنسبة لينا فرصة للانتشار والتواجد في البدايات، ومحدش كان عنده الحسبة إنه يفرقع ويبنحج النجاح العظيم ده.
-جماهير مسرح مصر جزء كبير منهم أطفال لأن إحنا اللي مربينهم وفي جيل طالع على إيدنا.
-محمود حميدة كان هيعتذر عن فيلم مطرح مطروح بسبب بيومي فؤاد.
-كواليس فيلم مطرح مطروح كانت صعبة لأن كلها كانت أكشن ودخان وانفجارات.
-إيرادات فيلم مطرح مطروح ضعيفة في السينما لأن مفيش إفيشات في الشوارع وفي ناس متعرفش إن الفيلم نزل في دور العرض.
- فكرة الإيراد مهمة وبتفرق معايا في الأجر وسعري في السوق لكن الأهم إني أعمل فيلم أو مسلسل يقدر يعيش.
-فيه أفلام زمان مجابتش جنيه في السينما وناجحة وبنحبها.. وصعيدي في الجامعة الأمريكية بنتفرج عليه لأن بنحبه مش علشان جاب إيرادات زمان.
أعمال كريم عفيفي
يذكر أن كريم عفيفي شارك في فيلم مطرح مطروح الذي يُعرض حاليًا في دور العرض السينمائي، حيث دارت أحداثه خلال فترة الأربعينات في مصر، حيث تتسبب الصدفة في تعرض موظف مصري وعائلته للخطر أثناء نشوب حرب ما، وسرعان ما يحدث صراعًا بين الأسرة وقوات الجنود الأجنبية.
شارك في بطولة فيلم مطرح مطروح، كلًا من: محمود حميدة، كريم عفيفي، ليلى أحمد زاهر، شيماء سيف، سامي مغاوري، محمد السعدني، والعمل من تأليف محمد عز، وإخراج وائل إحسان.
