محمد صلاح العزب: صعب الجمهور يتقبل الفنان بشكل جديد.. ومسلسل السفاح نقلة لـ أحمد فهمي
أكد السيناريست محمد صلاح العزب أن مسلسل السفاح المقرر عرضه خلال الفترة القليلة المقبلة عبر منصة شاهد، سيكون نقلة للفنان أحمد فهمي، مشيدًا بموهبته وأنه لديه الكثير ليقدمه.
وقال محمد صلاح العزب خلال ندوته في القاهرة 24: كانت نصيحتي لـ أحمد فهمي، أن ليه أبقى ناجح في منطقة أوي، واللي عليا بس إني اجتهد وأشوف ورق كويس، ليه تنقل على منطقة تانية، ولكن أحمد قالي أنا عايز أبقى ممثل مش كوميديان، وأقدر أقدم كل الأنواع ومن ساعتها وإحنا شغالين على ده، أحمد عنده كتير لسة ممكن يقدمه، واحترمت فكرة أنه مش عايز يفضل في مكانه ويفاجئ الجمهور بحاجات مختفلة.
وتابع: أنا شايف إن الجمهور يتقبل الممثلين أو النجوم بشكل جديد صعب شوية، ولكن أنا شايف أن مسلسل السفاح هيحط أحمد فهمي في حتة تانية.
محمد صلاح العزب: مسلسل السفاح كان محتاج طريقة خاصة في الكتابة
وعن كواليس كتابته لمسلسل السفاح، فعلق محمد صلاح العزب قائلًا: مسلسل السفاح أكتر مسلسل خد وقت في الكتابة، رغم أنه 8 حلقات، ولكن كان أكتر مسلسل محتاج طريقة خاصة في الكتابة شبه الصحافة الاستقصائية.
وأضاف: جبت تحقيقات النيابة وتحريات المباحث، وقعدت مع الصحفيين اللي كانوا متولين القضية، وكان معانا طبيب نفسي في المسلسل عشان نحلل دوافعه.
أبطال مسلسل السفاح
وشارك في مسلسل السفاح عددا كبيرا من الفنانين، أبرزهم: أحمد فهمي، ركين سعد، صلاح عبد الله، باسم سمرة، وعددا آخر من الفنانين، والعمل من إخراج هادي الباجوري، وتدور أحداثه حول سفاح الجيزة والجرائم الذي قام بها.
