سامو زين عن عمرو مصطفى: محدش وصل لـ اللي وصله فنيًا.. وله الحق في اللي بيعمله
علق الفنان سامو زين، على أزمات الفنان والملحن عمرو مصطفى خلال الفترة الماضية، مشيرًا إلى أنه يدعمه وأنه له الحق فيما يطلبه من الملحنين والفنانين.
وكتب سامو زين عبر حسابه الشخصي بموقع فيسبوك: بما إن ليا مقابلة مهمة جدًا هتنزل الفترة اللي جاية سألت عن رأيي في عمرو مصطفى واللي بيحصل، كان جوابي واضح وصريح هو أنه من أهم والأهم وحالة فريدة وليه الحق تمامًا بكل اللي بيعمله واللي بيطالب بيه من الملحنين والفنانين.
وتابع سامو زين حديثه عن عمرو مصطفى: حاله لا تكرر كثيرًا في هذا الزمن لعدة أسباب، في رأيي الشخصي إن عمرو بيسافر كتير وبيسمع كتير وفعلًا قدر يعمل تركيبة عربية أوروبية ومعتقدش أن في حد يقدر يوصل لـ اللي وصله فكريًا وذهنيًا وفنيًا.
وأضاف: عمرو مصطفى اشتغلت معاه أغنيه واحدة في حياتي وأنا سعيد بيها، طبعًا في حاجات كتير اتقالت هتشوفوها وهتسمعوها ربنا يستر ومحدش يزعل مني.
واختتم سامو زين حديثه: ملحوظة سألت عن هذا الموضوع بما إني منتج وملحن أغاني الورد الأحمر، وقربي ليا وكثير من الأغاني وعضو في جمعية الملحنين والمؤلفين، فكنت لازم أرد بكل وضوح وصراحة.
سامو زين
وكان آخر ألبومات سامو زين بعنوان لو عمرى يرجع، والذي طرحه عام 2018، والألبوم كان يحتوى على أغاني، لو عمري يرجع، أول ما تبتسميلي، الزير، حب أحلى سنين، قلبي عليك بيكلمني، الأسطوانة المشروخة، هو ده حبيبي، ولا حد يوصله.
