محمد هنيدي: لما بقدم عمل بسيط بختفي وبرضي الناس في التجربة اللي بعدها.. ولازم أكون صريح مع نفسي
حل الفنان محمد هنيدي ضيفًا على الإعلامي معتز الدمرداش في برنامجه ضيفي على قناة الشرق، وتحدث عن فيلمه الجديد مرعي البريمو إلى جانب العديد من الأمور الأخرى.
وقال هنيدي عن فيلم مرعي البريمو المقرر طرحه بدور العرض السينمائي أغسطس المقبل: أحلى ما فيه عودة سعيد حامد والتعاون معه مجددًا بعد سنين، وهو عامل شغل جميل إلى جانب باقي طاقم الكوكبة اللي في الفيلم والفيلم سيحوي نسبة كوميديا ترضي الجمهور.
وأكد هنيدي أنه حريص على أن يكون صريحًا مع نفسه قبل الجمهور وإذا شعر أنه قدم عملًا لا يرضيه أو عكس ما توقعه الجمهور يختفي ويحاول العودة بعمل أهم، قائلًا: الموضوع بصراحة خطر لما أنت كفنان تقدم عمل مش هقول دون المستوى ولكن فيه وجهة نظر مش حلوة وأنت تشوفها حلوة والناس وتقاوح، وأنا أحيانًا بقدم بعض التجارب البسيطة، والناس كانت عاوزة تشوفها أحلى وأنا أولهم، مش بطلع بقول أنا آسف ولكن بختفي وأرضيهم في التجربة اللي بعدها، وكان هناك تجارب ما كنتش طموحي ولا طموح الناس ولازم أكون صريح مع نفسي قبل الناس وما شفش حاجة 70 في المية وأقول دي 100 في المية لا أعوذ بالله.
وتابع محمد هنيدي: اتعلمت في المعهد أن السينما فن وتجارة وصناعة، وبالنسبة للممثل القلق والتوتر مهما قدم، يظل القلق لحد أول أسبوعين من نزول الفيلم، وأنا قلقان جدا، والحمد لله مطمنين للفيلم وبذلنا فيه مجهود كبير ولكن يظل مقابلة الجمهور تشغلك.
محمد هنيدي يروي موقفا طريفا عن قصر قامته
وروى محمد هنيدي موقفا طريفا عن قصر قامته قائلًا: كان عندنا ساحة شعبية في إمبابة وجارنا اسمه صلاح كظمة حد رياضي جدًا، وكل شباب المنطقة بيلعبوا عنده رياضة، وأبويا وداني ليه علشان أطول، لكنه اتعامل معايا غلط أنا كنت رايح ألعب عقلة علشان أطول، ولكن هو كان بيشيلني أحمال ويضغط عليا، فأبويا يقول لي هو بيلعبك إيه.. في إيه يا واد مالك؟
