إحدى السيدات تتهم طبيب روض الفرج بتخديرها وتصويرها |خاص
كشفت التحقيقات في واقعة اتهام طبيب أمراض نساء وتوليد، يدعى أيمن. م، بمساومة النساء على إجراء عمليات إجهاض لهن مقابل ممارسة الرذيلة معهن في عيادته الخاصة بمنطقة روض الفرج بالقاهرة، تفاصيل جديدة عن أن المتهم يعاني من مرض جنسي وحاول أن يثبت لنفسه قدرته الجنسية، ووضع كاميرات داخل العيادة الخاصة به.
التحقيقات تكشف مفاجأة في اتهام طبيب روض الفرج
ويواصل القاهرة 24 نشر التحقيقات في اتهام طبيب نساء وتوليد، يمتلك عيادة في منطقة روض الفرج، بإجراء عمليات إجهاض للسيدات، مقابل المال وممارسة الجنس معهن، ويبتزهن لممارسة الجنس بعد ذلك.
وكان المتهم يتحصل على أموال من بعض السيدات مقابل إجراء عمليات الإجهاض لهن، فيما كان يجبر أخريات على توقيع إيصالات أمانة حتى لا يتهربن من دفع الأموال مقابل إجراء عملية الإجهاض.
وقالت إحدى الضحايا في أقوالها أمام جهات التحقيق: الحمد لله من أول ما اتجوزت وأنا تمام مش بعاني لكن آخر شهر فبراير السنة دي حسيت إن عندي مشكلة في الجهاز التناسلي، وده كان بيخليني أدخل الحمام على طول وجوزي وداني عند كذا دكتور نساء وتوليد بس العلاج مكانش بيجيب نتيجة لحد ما حماتي كانت سامعة عن دكتور في روض الفرج شاطر اسمه أيمن فقالت لجوزي عليه فجوزي خدني ليه وأول مرة روحناله استقبلتنا سكرتيرة الاستقبال بتاعته ودفعنا 200 جنيه كشف، وبعد كده دخلنا أوضة الكشف الطبي وكان معايا جوزي والدكتور كشف عليا وقالنا إن المشكلة في اللولب اللي أنا كنت مركباه قبل كده عند دكتور ثاني، وفي نفس الزيارة دي شال اللولب وإداني علاج وقال لجوزي إنها محتاجة تجيلي كمان مرة وروحتله بعدها بأسبوع مع جوزي وقال لجوزي إن هو هيعملي عملية صغيرة اسمها تنظيف وكي قرحة تمنها 2500 جنيه، ودخلني غرفة صغيرة عنده شبه أوضة العمليات وقال لجوزي ممنوع الدخول لغرفة العمليات.
وأكملت السيدة أمام جهات التحقيق قائلة: المتهم طلب من زوجي الاستراحة ودخلت معايا السكرتيرة بتاعته ولبستني لبس العمليات ونيمتني على سرير العمليات والدكتور جه جنبها وركبلي في إيدي الكنايولا وبعدها جاب سرنجة حقنها في الكنايولا اللي في إيدي وقالي ده بنج على مهدي عشان متحسيش بالعملية خالص وبعدها مفيش ثواني حسيت بزغللة ودوخة وأغمى عليا ومفقتش غير ونفس السكرتيرة اللي دخلتني بتسندني وبتقولي فوقي عشان تلبسي هدومك وبعدها خرجت لجوزي والدكتور طلعلنا وقالنا إن بعد أسبوعين ينفع أركب لولب تاني وروحتله فعلا بعدها بأسبوعين مع جوزي برضه ودفعنا 1200 تمن عملية تركيب اللولب، والدكتور في اليوم ده دخلني أوضة الكشف الطبي وجوزي استنى في الاستراحة ونفس الممرضة اللي بشوفها علطول جت ولبستني لبس العمليات ونيمتني على سرير العمليات والدكتور جه جنبها وركبلي في إيدي الكنايولا وبعدها جاب سرنجة حقنها في الكنايولا اللي في إيدي برضه ومفيش ثواني وحسيت بنفس الدوخة اللي حستها قبل كده وأغمى عليا ومفقتش غير والسكرتيرة بتلبسني وبعدها خرجت لجوزي والدكتور قال كده خلصنا ومن بعدها وصلتنا اتقطعت بيه.
طبيب النساء المتهم بممارسة الرذيلة مع المرضى
س: ما صلتك بالمقاطع المرئية السالف عرضها عليك؟
ج: أنا اللي في الفيديوهات.
س: ومن أطراف تلك المقاطع؟
ج: أنا والدكتور أيمن.
س: وما زمانها ومكانها؟
ج: واضح إنها في العيادة عنده بس مش عارفة تاني مرة ولا تالت مرة أروحله
س: وما تعليقك على ما شاهدتِه؟
ج: حسبي الله ونعم الوكيل فيه أنا مش مصدقة اللي شوفته وإزاي عمل فيا كده، أنا لما كنت باخد البنج كان بيغمى عليا ومكنتش بفوق غير وأنا شايفة السكرتيرة قدامي ومعرفش إزاي كل ده حصل.
