رانيا فريد شوقي في ذكرى ميلاد والدها: ساعات بحمد ربنا أنه مش موجود
تحدثت الفنانة رانيا فريد شوقي عن ذكرى ميلاد والدها الفنان الراحل فريد شوقي، قائلة: أنا بقول عليه دايمًا إنه مؤسسة.
وقالت رانيا فريد شوقي في مداخله هاتفية لـ برنامج الستات مايعرفوش يكدبوا: ساعات بحمد ربنا إن هو مش موجود، عشان ميشفش الحالة اللي موجودة حاليًا، لأن مفهومه عن الفن كان مختلف كان مفهومه لازم أخدم المجتمع وأقدم رسالة.
وأضافت رانيا فريد شوقي: السينما أكبر مما يحدث حاليًا هي مش أكشن بس، السينما يعني جعلوني مجرمًا وكلمة شرف وبالوالدين احسانا، وكان كاتب مسلسل روبابكيا وملحقش يعمله وقدم الدور الفنان فؤاد المهندس، وكان بيحضر فيلم هو ومحمد هنيدي وكان دايما عنده أفكار وكان عنده فيلم لأحمد زكي.
واستكملت رانيا حديثها: فريد شوقي قدم نجوم كتير ما بين إنتاج وإخراج وتأليف، وأنا بقول فريد شوقي مؤسسة.
فريد شوقي: كان رافض دخولي الفن لأنها مهنة مهلكة.. ومحدش يصلح يجسد سيرته الذاتية
وعن دخولها مجال التمثيل، أوضحت رانيا فريد شوقي: أنا الوحيدة اللي اخترت التمثيل ما بين أخواتي، وهو كان رافض الفن؛ لأنها مهنة مهلكة وكان خايف تسرقني وملحقش اتجوز واخلف.
وعن رأيها في تقديم سيرته الذاتية في عمل فني: وهو على فراش الموت كان بيقول في أدوار لسه معملتهاش وكان حبه للفن ملوش حدود، ومش شايفة حد من الموجودين يقدر يجسد سيرة والدي، وفريد شوقي له كاريزما خاصة والهيكل الجسماني مختلف وعشان كده لقب بملك الترسو.
