التحقيقات تكشف وقائع جديدة لطبيب روض الفرج | خاص
كشفت التحقيقات في واقعة اتهام طبيب أمراض نساء وتوليد، يدعى أيمن. م، على خليفة اتهامه بمساومة النساء على إجراء عمليات إجهاض لهن مقابل ممارسة الرذيلة معهن في عيادته الخاصة بمنطقة روض الفرج بالقاهرة، تفاصيل جديدة، موضحة أن المتهم يعاني من مرض جنسي وحاول الإثبات لنفسه قدرته الجنسية، ووضع كاميرات داخل العيادة الخاصة به.
طبيب روض الفرج
وحصل القاهرة 24 على التحقيقات في الواقعة التي حملت رقم 2511 لسنة 2023، ووجهت جهات التحقيق إلى المتهم تهمة مساومة النساء على إجراء عمليات إجهاض لهن مقابل ممارسة الرذيلة معهن في عيادته الخاصة.
وكشفت التحقيقات الأولية، أن طبيب نساء وتوليد، يمتلك عيادة في منطقة شبرا، يجري عمليات إجهاض للسيدات مقابل المال، ويبتزهن لممارسة الجنس بعد ذلك.
وكان المتهم يتحصل على أموال من بعض السيدات مقابل إجراء عمليات الإجهاض لهن، فيما كان يجبر أخريات على توقيع إيصالات أمانة حتى لا يتهربن من دفع الأموال مقابل إجراء عملية الإجهاض.
وبتفريغ كاميرات المراقبة الموجودة بالعيادة تم العثور على فيديوهات لأصدقاء أولاده الصغار، كان المتهم يوثقها عندما كان يتواجد معهن في أحد النوادي بالقاهرة، وجاءت أقوال والد الصغيرة المعتدى عليها من الطبيب كالآتي: أنا بنتي وابني أصدقاء أولاد الطبيب المتهم واتعرفت على الطبيب بسبب إن أولادنا في مدرسة واحدة، وأنا كل علاقتي بيه إن هو والد أصدقاء ابني وبنتي ومفيش بينا أكتر من كده وعرفنا بعض من 2022 بصفته والد لأصدقاء ابني وبنتي.
وأضاف والد المجني عليها: لما كنت بروح المدرسة عشان أوصل أولادي أو أجيبهم، كنت بقابل الدكتور أيمن بالصدفة فأخدنا أرقام بعض عشان لاحظنا إن الولاد متصاحبين على بعض وكانت علاقتنا سطحية جدا.
وأردف: بنتي هي اللي موجودة في الفيديوهات دي وسبب تواجدها إن أولادي كانوا بيتفقوا مع أولاده إنهم يتقابلوا في النادي أو البيت عنده أو عندي عشان يلعبوا مع بعض.
وأكد والد المجني عليها في التحقيقات: بالنسبة للفيديوهات اللي فيها بنتي مش هقول غير حسبي الله ونعم الوكيل فيه، أنا مشفتش إنسان عديم الأخلاق زي الدكتور أيمن لأن البني آدم ده أنا أمنته على بنتي وابني ومكنتش عارف إنه بيستغل الثقة دي وبيستغل علاقة بنتي إن يجبها عنده البيت ويعتدي عليها جنسيا ويصورها وياخدها برضوا مع ولاده حمام السباحة وينزل معاهم عشان يعتدي برضوا جنسيا عليها ويصور عورتها ويحسس عليها ومقدرش أقول غير إن ربنا ينتقم منه وإني عايز حق بنتي بالقانون.
س: وما قصد المتهم من أفعاله التي مارسها قبل كريمتك على النحو السابق عرضه عليك؟
ج: قصده هتك عرضها بالمباغتة من غير ما تاخد بالها زي ما عمل في حمام السباحة لما لمسها من مواطن عفتها، وبالعافية زي ما عمل معاها في البيت عنده وبنتي خدت بالها على الرغم من صغر سنها، وقالتله عيب ياعمو، وكل اللي عمله ده أخل من حياء بنتي ده غير أنه صور الكلام اللي عمله معاها ده.
س: وكيف وقفت على ذلك؟
ج: من الفيديوهات اللي شوفتها من شوية واللي واضح فيها أيمن وهو بيتعدى جنسيا على بنتي في حمام السباحة عن طريق لمس مواطن عفتها سواء من تحت أو من فوق، وواضح برضوا وهو بيعتدي جنسيا عليها في بيته عن طريق أنه بيلمس كل مواطن عفتها برضو وبينيمها على السرير كأنه بيهزر معاها عشان يحضنها من ظهرها ويلامس بجسده جسدها من تحت.
س: وما قصدك بما شهدت به؟
ج: أنا بتهمه بهتك عرض بنتي بالمباغتة من غير ما تاخد بالها وهي في حمام السباحة وبالعافية وهي في البيت عنده وبتهمه كمان أنه صورها وهو بيهتك عرضها وبطلب توقيع أقصى عقوبة عليه لأنه إنسان مش سوي وغدار ومينفعش يكرر اللي عمله ده مع أي طفلة تانية.
