خالد الفايد: هحاول أصالح هاني محروس.. ومستني الوقت المناسب عشان اعتذر له
كشف الفنان الشاب خالد الفايد حقيقة تصالحه مع مهندس الصوت هاني محروس، بعد الأزمة الكبيرة التي حدثت بينهما في الفترة الأخيرة.
وقال خالد الفايد في تصريحات خاصة لـ القاهرة 24: أستاذ هاني محروس شوفتله خبر قال فيه أن أنا ابنه الصغير وإن هو كان عارف إني هرجع عن اللي في دماغي، وهو مسامحني، ولكن لم يحدث تصالح بيننا حتى الآن.
وأضاف خالد الفايد: وهو زي والدي، والله سايب الموضوع يهدي شوية لحد الوقت ما يسمح إن إحنا نتكلم، وهحاول أصالحه.
ووجه الفنان الشاب خالد الفايد رسالة لـ مهندس الصوت هاني محروس، قائلًا: أستاذ هاني محروس إنسان طيب وقلبه أبيض، وبقولوا إني أنا ابنك، وابنك غلط، وساعات الابن بيغلط وبيعتذر لأبوه بردو.
وعن عودته للمشاركة في أعمال غنائية، قال خالد الفايد:إن شاء الله في عمل غنائي قريب لو أتصالحت مع هاني محروس هيكون من الأغاني القديمة اللي سجلناها، وهي كانت لسه منزلتش، نزل منها أغنية واحدة بس.
خالد الفايد: اتسرعت وغلطت في هاني محروس
وكان خالد الفايد تحدث عن أزمته مع هاني محروس، وذلك خلال منشورًا عبر حسابه الرسمي بـ فيس بوك، مش هقدر أقول غير إني اتسرعت وغلطت في هاني محروس غلط كبير بسبب إني إديت ودني للناس وسبتهم يتكلموا ويولعوا براحتهم، أوعى تسلم ودنك لحد وتخليه يبخ فيها سموم.. ده درس اتعلمته حبيت أوضحه علشان محدش يقع في نفس غلطتي.
