كريم سامي مغاوري يكشف لأول مرة سر فقدان وزنه: خسيت 65 كيلو وعايش على المياه
تحدث الفنان كريم سامي مغاوري عن تعاونه مع الفنان محمد هنيدي في فيلم مرعي البريمو، بجانب كلامه عن التعامل مع المخرج سعيد حامد والنصيحة التي قدمها له.
وقال كريم سامي مغاوري في تصريحات لـ القاهرة 24: كان حلم من الأحلام إني اشتغل مع الفنان الكبير محمد هنيدي، وشرف لأي حد أنه يشتغل معاه وكنت بحلم أني اشتغل معاه.
وأضاف: كنا بنقطع تذاكر عشان نتفرج على أفلامه من أول صعيدي في الجامعة الأمريكية وإسماعيلية رايح جاي وهمام في أمستردام، وشرف إن كل مشاهدي كلها معاه، وكان داعم قوي ليا في الكواليس.
وعن ترشيحه في فيلم مرعي البريمو، أوضح كريم: الترشيح كان من المخرج سعيد حامد وعملت معاه فيلم على جنب ياسطى، وهو مخرج كبير ومطلع كل النجوم اللي على الساحة دلوقتي، ومفتقدين أسلوبه وأفلامه، وأفلام سعيد حامد وهنيدي مميزة جدًا.. وهتشوفوا محمد هنيدي في تاريخ السينما المصرية بمرعي البريمو حاجة مختلفة.
كريم سامي مغاوري: خسيت 65 كيلو.. وعايش على المياه
وعن فقدانه لوزنه، كشف كريم مغاوري: خسيت 65 كيلو وعملت عملية تكميم.. وماشي على نظام غذائي بقالي 7 سنين وبشرب ميه كتير.. ودي كانت نصيحة من سعيد حامد بعد فيلم على جنب ياسطى قالي لازم تخس.
فيلم مرعي البريمو
يطرح فيلم مرعي البريمو في السينمات اليوم، ويضم العمل عددا كبيرا من النجوم أبرزهم، محمد هنيدي، غادة عادل، لطفي لبيب، محمد محمود، وعدد آخر من الفنانين، والعمل من تأليف إيهاب بليبل وإخراج سعيد حامد.
