أنا أهم فنان مسرحي في جيلي.. أبرز تصريحات أحمد سلامة
حل الفنان أحمد سلامة ضيف على برنامج الستات تقديم الإعلاميتين مفيدة شيحة وسهير جودة عبر قناة النهار، وتحدث عن سبب قلة أعماله الفنية مؤخرًا، إلى جانب حديثه عن بناته السبعة وغيرها من الأمور.
ونستعرض في السطور التالية أبرز تصريحات أحمد سلامة في برنامج الستات كالآتي: -
-بنتي سارة ممثلة شاطرة حواليها كتير من الغيرة، والغيرة ما تقدريش تلغيها من عند الست، لكن إحنا كرجالة مفيش بينا غيرة إلا غيرة فنيا، وسارة مش بتلتفت للكلام ده.
-سارة بتاخد رأيي حتى الآن، في الأعمال التي تعرض عليها، وما ينفعش تروح شركة إنتاج غير لما تبلغني.
-بنتي زينب دخلت مجال التمثيل، وتدرس في قسم الإخراج وتفاجأت أن عندها رؤية وتعرف تنتقد العمل الفني.
-أنا مش أب ديكتاتوري، يهمني أني أدي بناتي المساحة والثقة وعندهم اختيارتهم، ولكن في حاجات ما تنفعش خالص وفي الأخر الأب بيخاف على بنته، لكن طالما في حدود المنطقة اللي مش هقلق منها تعمل اللي هي عاوزاه.
-أنا أهم فنان وقفت على خشبة المسرح في جيلي، وفي 2007 حصلت على لقب أفضل ممثل مسرح، وعندي سي في محترم.
-وقفت على خشبة المسرح القومي من وأنا عندي11 سنة مع نبيل الألفي وشفيع نور الدين ووقفت على خشبة الطليعة مع محمود ياسين وسهير البابلي وإخراج عبد الرحيم الزرقاني، وأنا متربي في المسرح ودخلت أكاديمية معهد فنون مسرحية من وأنا عندي 11 سنة وشاطر في المسرح وبحبه.
-أنا اتجوزت صغير، والجواز في سن صغيرة مش حلو، الجواز المضبوط بعد سن الـ 30، يكون الشخص عنده الخبرة ومشاعره مستقرة وفاهم واختيارته صح.
-علشان الست توصل لقلب الراجل المفروض تعامله على أنه طفل كبير وتطبطب عليه.
