أنا مش مجنونة.. ننشر مناقشة اللجنة الخماسية لـ قاتلة طفلها بالشرقية
حصل القاهرة 24 على نص المناقشة التي تضمنها اللقاء الأول بين لجنة خماسية من أساتذة الطب النفسي في جامعتي الزقازيق والمنصورة وسيدة فاقوس المتهمة بـ قتل ابنها وتقطيع جثته، التي جرت قبل قليل، داخل محكمة جنايات الزقازيق في محافظة الشرقية.
جاء ذلك في أعقاب حلف اللجنة الخماسية من أساتذة الطب النفسي في جامعتي الزقازيق والمنصورة اليمين أمام المحكمة، لأجل مباشرة أعمال اللجنة المُكلفة بفحص المتهمة وبيان مدى مسؤوليتها عن الجرم الذي ارتكبته والباعث وراء الجريمة.
نص أول مناقشة بين لجنة خماسية من اساتذة الطب النفسي وسيدة فاقوس قاتلة طفلها بالشرقية
كيف تجرأتي على قتل طفلك الصغير وتقطيعه؟
- كان معمول لي عمل مكنتش حاسة.
عملتي كده إزاي؟
- معرفش.. كنت رايحة أنام لقيت نفسى رايحة على الولد جيبت يد فأس خشب وضربته لقيته مبيتحركش، دخلت المطبخ جيبت سكينة وبدأت أقطعه.
استخدمتي أى شيء تانى زي ساطور؟
- لا.
كنتي بتحاولي تخبيه ليه؟، وليه حطيتي إيده جوا الدولاب وقطعتيه أجزاء صغيرة؟
- كنت تحت تأثير العمل.
مين عمل لك العمل؟
- مرات عمي ومرات أخويا.
عرفتى منين؟
- كنت بصلي وأدعى ربنا لحد ما عرفت.
عرفتي إزاى إنه عمل؟
- الشيخ قال خليكي قاعدة هنا وأخد ناس راح يحفر طلعه.
كملتى تعليم؟
- لحد سنة خامسة.
بتعرفى تقري وتكتبي؟
- آه.
كنتى بتشغلي إيه؟
- باليومية في مصنع.
طليقك كان كويس معاكي؟
- لا.. كان بيضربني ويقول لي إن شكلي مش عاجبه.
طلقك إزاي؟
- روحت لمحامى ورفعت قضية.
انتي كنتى بتجري بنفسك ولا حد غيرك؟
- لا أنا.
أمك وأبوكي عايشين؟
- أمي بس.
بنيتى بيت بفلوس مين؟
- أخدت ميراثي وعمي وقف معايا وخلانى أبني البيت.
انتي ندمانة أو زعلانة؟
- ندمانة.. بس أنا عيني من ضرب جوزى تعبت ومحتاجة عملية فمبقتش ببكى كتير.
انتي فاهمة هيحصل لك إيه؟
- أنا مستعدة أدفع دية أو كفالة بدل الإعدام.
لو موجودة لوحدك.. بتسمعى صوت حد بيكلمك أو متخيلة حد عايز يئذيكي أو حد عايز يمشي وراكي أو يصورك؟
- لا.
كان إزاي رد فعل جوزك لما عرف؟
- كان بيزعق.
يوم الواقعة وبعد ما ارتكبتيها الجريمة ظهرت تاني يوم.. إزاى قضيتى الوقت ده وأكلتي إيه؟
- ما أكلتش.. كنت ببكي ونمت شوية وصحيت تاني أبكي، ولما عمى جه فتحت له شاف المنظر بلغ الحكومة.
لما خبطتيه ومقامش مجاش في بالك تتصلى بالإسعاف؟
- مجاش في دماغي.. ياريتنى عملت كده، اللي عملته مخسر ليا.
أبوه ماكانش بيطلب ياخده؟
- كان عايز ياخده، قلت هجيب كتب وأعلمه في البيت وأحبسه مش هيلعب علشان مياخدهوش.
انتي مجنونة؟
- لا أنا معمول لي عمل.
الـ 100 جنيه فيها كام 10 جنيه؟
- 10.
كنتى بتضربي ابنك؟
- خفيف.
عمرك ضربتي قطة أو كلب أو فرخة أو موتيها؟
- لا خالص.. لو قطة دخلت بطردها.
مجاش ابنك قال لك هروح عند أبويا؟
- لا.. كان بيحب يقعد عندي.
