هل انشغالها بالتمثيل أثر عليهم؟.. هنا شيحة تتحدث عن علاقتها بأبنائها
تحدثت الفنانة هنا شيحة عن علاقتها بأولادها، إلى جانب حديثها عن الشخصية التي تتمني تقديمها في عمل فني في المستقبل.
وقالت هنا شيحة عن علاقتها بأولادها في لقاء تلفزيوني: أنا كان حظي حلو لأن والدتي كانت بتساعدني وقت التصوير، وأنا من النوع اللي بينسق ما بين الأولاد والشغل، ودلوقتي هما كبروا وعارفين إني بشتغل ممثلة فخلاص مباقوش بيضايقوا خالص، ودائما بقول الحمد لله إن زمان كان عندي وقت أكتر أكون معاهم.
وتحدثت هنا شيحة عن الشخصية التي تتمنى تقديمها في عمل فني قائلة: أكتر عمل نفسي أقدمه هو دور سيدة قوية ويكون لها تأثير في الوسط السياسي والاجتماعي مثل هدى شعراوي أو الأميرة فوزية، لأن أنا بحب السيدات الأقوياء.
وكشفت هنا شيحة رأيها في فكرة اختفاء الفنانين وعدم تقديم أعمال فنية، قائلة: لو حد حس أنه مش مطلوب، فالمفروض يشتغل على نفسه لأن السوق عرض وطلب، وفي ناس بتختفي ولما بتعمل كده الناس بتبطل تشوفهم، واتقال ليا إني بختفي وده بسبب إن مش عجبني اللي بيتعرض عليا فبستنى وده الصح، لكن مش عشان معجبكش المعروض عليك تختفي، لأ لازم تشتغل على حاجة أنت عايزها واعملها، الحركة بركة يعني اللي مش عاجبه المعروض عليه يعمل هو حاجة تانية.
آخر أعمال هنا شيحة
تعد مسرحية ميمو آخر عمل شاركت فيه الفنانة هنا شيحة، والتي كانت من إخراج هشام عطوة وتأليف ضياء محمد والعمل بطولة بعض الفنانين أبرزهم أحمد حلمي، هنا الزاهد، أحمد رزق، حمدي الميرغني، نور إيهاب.
