شقيق عمرو محمد علي: أخويا عنده خلل في الجهاز المناعي.. وبيسبب له هجمات غير متوقعة
كشف شقيق الفنان عمرو محمد علي الشهير بـ شقشق عن تطورات الحالة الصحية لشقيقة بعد إصابته بمرض التصلب المتعدد، مؤكدًا أنه حاليًا يتلقى علاجه على نفقة الدولة.
وقال شقيق عمرو محمد علي: لما راح مستشفى الشيخ زايد التخصصي، كان بتوصية من وزارة الصحة، وعملنا قرار على نفقة الدولة وعمرو أخد العلاج من غير ما يدفع ولا جنيه، وراح في مكان اقتصادي علشان يكمل علاجه.
وأضاف شقيق عمرو محمد علي: الناس في المستشفى عملت تخفيض عالية جدًا يكاد يكون أننا مش هندفع حاجة.
شقيق عمرو محمد علي: أخويا عنده خلل في الجهاز المناعي
وأشار شقيق عمرو محمد علي إلى أن شقيقة من المقرر أن يستكمل علاجه في المنزل الفترة المقبلة، ولكنه دائمًا ما يتعرض لبعض الهجمات التي تؤثر على توازنه، معلقًا: تعرض لهجمة شديدة جدًا، وأول مرة تجيله هجمة بالقوة دي وكأن جسمه كله لوح خشب ومكنش قادر يرفع ذراعه.
شقيق عمرو محمد علي: الهجمات اللي بتجيله مش متوقعة
وأضاف: هتكون فيه متابعة مع الدكاترة بـ استمرار، ويكمل جلسات علاج طبيعي في المستشفى وهياخد جرعة العلاج كمان بعد 3 شهور، ولكن حالته لا تستعدي إقامته في المستشفى حاليًا، والهجمات اللي بتجيله مش متوقعة ومفيش ليها ميعاد وممكن لأقدر الله تجيله وهو نايم.
