حورية فرغلي عن صفية العمري: لو أنا كويسة فده بسبب سؤالها عني يوميا وكلامها معايا عن ربنا والدين
كشفت الفنانة حورية فرغلي الفنانات اللاتي حرصن على السؤال عليها في مرضها وبعد خضوعها لعملية استئصال الرحم مؤخرًا، مشيرًا إلى أن الفنانة صفية العمري أكثر فنانة تسأل عنها يوميًا.
وقالت حورية فرغلي في لقائها مع القاهرة 24: محدش سأل عني غير صفية العمري وميرفت أمين وليلى علوي وإلهام شاهين، وصفية بتكلمني كل يوم وبقول لها يا نازك من كتر ما هي هانم.
وأضافت معربة عن شكرها وامتنانها لـ صفية العمري قائلة: حد بيحبك بجد وبيكلمك كل يوم من قلبه، مش عارفة أشكرها إزاي ولو حالتي النفسية كويسة فده من كلامها معايا عن ربنا والدين والجيل ده جيل هوانم السينما.
حورية فرغلي تكشف عدد العمليات التي خضعت لها
كما كشفت حورية فرغلي أنها أجرت 32 عملية جراحية، مشيرة إلى أنها لن تجري عمليات أخرى في أنفها، قائلة: أنا كان عندي فلوس قبل العمليات ولكن صرفت على العمليات فوق الـ 12 مليون جنيه وآخر عملية في أمريكا كانت بـ 4 مليون دولار، وبدأت أفلس وبابا وماما لحقوني، ومش هعمل عمليات تاني اللي عاجبه عاجبه، واللي مش عاجبه يبص الناحية التانية.
وأضافت حورية فرغلي: كنت بعمل العمليات علشان شغلي في التمثيل وكنت عاوزة أكمل وكنت فرحانة بأعمالي وناجحة وما كنتش عاوزة أبطل.
