مدحت العدل: اتعمل لنا غسيل مخ بقالنا 50 سنة وخضعنا لمزاج سلفي
أكد السيناريست مدحت العدل، أن قيم المجتمع المصري تغيرت تمامًا عن الفترات الماضية، مشيرًا إلى أن الشعب خضع لغسيل مخ لمدة 50 سنة.
وقال مدحت العدل خلال ندوته في موقع القاهرة 24: اتعمل لينا غسيل مخ بقالنا 50 سنة ومزاج سلفي في أمور الدين، أمي زمان مكنتش لابسة حجاب وكانت بتصلى وبتصوم وبتزكي وبتعمل كل فروض ربنا وعمري ما سمعتها بتتكلم على حد.
وأردف مدحت العدل: المجتمع دلوقتي اتغير وبقى يركز في كل حاجة وينتقدها، أنا مش مع القبلات أو ضدها لكن بتكلم في مفهوم وقيم المجتمع، المجتمع اتغير عن زمان بدليل أن حادثة نيرة أشرف اللي اتقتلت دي لو حصلت زمان كنا زمنا بقالنا 3 سنين بنتكلم على الحادثة غير دلوقتي يومين وننشغل في حادثة تانية.
أعمال مدحت العدل في السينما والتليفزيون
وعلى جانب آخر، كشف مدحت العدل عن أربعة أعمال يعتز بها في السينما، وكذلك في التليفزيون وفي الأغاني التي ألفها خلال مشواره الفني، حيث أوضح خلال ندوته بموقع القاهرة 24، أن هناك مجموعة من الأفلام التي يعتز بها في مشواره الفني في السينما، ومنها فيلم آيس كريم في جليم مشيرًا إلى أنه أول فيلم قدمه في السينما.
كما أكد مدحت العدل أنه يعتز بفيلم أمريكا شيكا بيكا، لأنه أول فيلم تحدث عن الهجرة غير الشرعية، وكذلك فيلم صعيدي في الجامعة الأمريكية، لأن هذا الفيلم غيّر السينما في المنطقة العربية، بالإضافة إلى فيلم مافيا لأنه أول فيلم أكشن حقيقي.
