هاني عادل عن فرقته وسط البلد: اتظلمنا بسبب التسويق.. واتعودنا نكون الأساتذة
تحدث الفنان هاني عادل عن فرقته وسط البلد، والطريقة التي يتبعونها في أغانيهم، كما كشف سبب ظلم الفريق في الفترة الأخيرة.
وقال هاني عادل خلال حواره مع القاهرة 24: إحنا متعودين نغير في المزيكا بتاعتنا تاني زي ما طلعنا، كنا أول فرقة في مصر تغني معاها فرقة راب، وأول ناس تشتغل مع فرق الأندرجراوند في حوالي 2012، وشاهين شارك معانا لوحده في ألبوم شاشة تليفون.
وأكد هاني عادل: فرقة وسط البلد لم تعتد على أن تكون تابعة لأحد، إحنا متعودين نعمل حاجة الناس تقلدها بعدين يشوفوا حاجة تشجعهم ويقوموا يعملوا حاجة شبهها، ويمكن تطلع أحسن كمان، وأغنيتنا الجديدة ع الوعد نزلت كانت أفرو بيت.
وتابع هاني عادل كاشفا سبب ظلم فرقة وسط البلد، مشيرًا إلى أنه بسبب التسويق لأخبار الفريق.
وقال: اللي ظلم وسط البلد السنة اللي فاتت هو التسويق والـ pr، أخبارنا بتنزل قد إيه وفين والتسويق بيعتمد على التصوير، لازم اللي ييجي يصورنا نبقى على طبيعتنا جدًا وصاحبنا عشان تطلع حلوة، وده اللي حصل في أغنية ع الوعد.
وأشار هاني عادل، إلى أنهم كفريق أحيانا يتعلمون من أشخاص أكبر منهم مهنيا وأحيانا من المبتدئين، قائلا: إحنا بدأنا كده اتعودنا نكون الأستاذة على طول، وساعات بنتعلم من ناس أجمد مننا ومن ناس لسة بادئين.
مشاركة هاني عادل في فيلم Hidden Strike
على الجانب التمثيلي شارك هاني عادل مؤخرا في الفيلم العالمي Hidden Strike، بجانب الفنانين العالمين جاكي شان، وجون سينا.
وأعرب عن سعادته البالغة بالمشاركة مع جاكي شان التي وصفها بأنها حلم حياته.
وقال: كنت مستصعب الموضوع في البداية، لكن كان حلم حياتي أمثل مع جاكي شان مش مجرد أشارك في فيلم معاه.
