أحمد طارق بطل ليه لأ 3: زواج الويك إند يجوز ومتاح لبعض الناس وله مقومات محددة
تحدث الفنان أحمد طارق عن ترشيحه في مسلسل ليه لأ 3، وأيضًا رأيه في القضية التي يناقشها العمل وهي زواج الويك إند.
وقال أحمد طارق خلال حواره مع القاهرة 24: تفهمت مع المخرجة نادين خان من أول دقيقة وحكت ليا المشكلة اللي هيتم مناقشتها في العمل وازاي نواجه المجتمع، واكتشفت بعد كده إنه دور بطولة.
وأضاف أحمد طارق: أنا مع تسليط الضوء في كل حاجه ودور الفن أنه يطرح قضية ولو في مشكلة نواجهها، وأنا ضد إننا نجبر الناس على شيء.. والمسلسل بيناقش أكتر من قضية وهي قضية الولد المدلل وزواج الويك إند.
أحمد طارق: زواج الويك أند متاح ويجوز لبعض الناس.. وفي ناس كتير تعاطفت مع ياسين
وعن رأيه في زواج الويك إند وطرحه في العمل، أوضح أحمد طارق: زواج الويك إند له مقومات معينة.. وهو مناسب ومتاح ويجوز لبعض الناس وحل من الحلول، وعقليتنا الشرقية وتربيتنا متعودة على تكوين الأسرة.
واستكمل طارق حديثه: في ناس كتير على السوشيال ميديا تعاطفت مع ياسين الولد وكانت بتدافع عنه، وده يدل على خلفية المجتمع عندنا.. وبنسبة 90% الابن مش بيوافق إن الأم تتجوز مرة تانية.
