“الصحة” تُحقق فى افتراش مواطنين على الأرض ضمن حملة 100 مليون صحة بالشرقية (فيديو وصور)
نشرت مواطنة تدعي “منال” عدد من مقاطع الفيديوهات علي صفحتها بموقع التواصل الاجتماعي “فيس بوك”، لمعاناة المرضي بمركز أمراض الكبد التابع للهيئة العامة للتأمين الصحي بمدينة الزقازيق بمحافظة الشرقية، موضحة أن هناك بعض من الاستهتار والتقاعس من قبل الموظفين داخل هذا المركز.
وروت منال القصة كاملة، قائلة:” بابا راح المبادرة وطلع التحليل إيجابي وبعتونا للمركز ده نعمل تحاليل تانية وناخد علاج، احنا وصلنا هناك الساعه 11 ونص، اتفاجأت أن بعض الناس قاعده قدام شباك استلام الورق علي الأرض وده ظاهر في أول الڤيديو.
وقالت:”مع العلم أن الناس كلها معاشات يعني سنهم فوق ال60، بسأل اقدم ورقي فين أو ايه المطلوب؟، ردوا عليا رَوحي وابقي تعالى بكره !، طب انا ميعادي النهارده؟ لا مش هنشتغل تاني النهارده، ليه يا جماعه انتم بتقفلوا الساعه كام؟، عرفت ان مواعيدهم الرسمية تخلص الساعه ٥ بعد ما الموظفه كذبت وقالت 2″.
وتابعت منال” تخيلوا بقي المركز ده مواعيده من 8 لـ 4 ورافضين يستلموا اوراق ويشتغلوا من الساعه 11، والموظفه المحترمة اللي في الفيديو كانت بتعامل الناس كأنهم عبيد عندها و أمرتهم يقعدوا عالارض قدمها عشان توافق تشتغل!! وبرضه مافيش استلام أوراق لكل حالات الڤيرس دي ، والمصيبه بقي المدير اللي دخلت افهم منه كان رده فالاخر اتفضلي يالا بره وشوفي أعلي جهه رُوحي اشتكيلها !”.
واستكملت “والموظف بعد ما اخد كام بطاقه من الصبح رجع ينادي علي اصحابهم تاني ويقولهم أحنا قدامنا لسه بدري هتقعدوا ولا تاخدوا البطاقه وتمشوا !، والموظفين جوه مش فارق معاهم وبيقولوا تعالي هنا صوري من هنا والموظفه تقولي تعالي عشان تجبيني بالطول!، ايه المعامله والجبروت ده منهم للناس المُسنه والمغلوبين علي أمرهم دي ؟! هو ده يرضي حد”.
ومن ناحية أخري، صرح مصدر من وزارة الصحة، أن الوزارة ستفتح تحقيقًا في الواقعة، مؤكدًا أن الواقعة فردية ولا تمثل الوزارة في شئ خاصة أن الحملة حققت نجاحا كبيرًا خلال الفترة الماضية.
