ابنة رياض الخولي: ولادي مبيروحش مسرح في مصر بسبب التنمر والإيحاءات الجنسية
تحدثت ابنة الفنان رياض الخولي، عن أبيها، التي وصفته بأنه رجل عصامي، كما أكدت أنها لا تأتي بأولادها إلى المسرح في مصر، بسبب التنمر والإيحاءات الجنسية.
وقالت ابنة رياض الخولي خلال الندوة المُقامة حاليًا لأبيها في دار الأوبرا المصرية: بابا علمنا من صغرنا جملة اللي يذاكر تنجح، وبرضو جملة تكلم حتى أراك، مكناش بنفهم الكلام ده وإحنا صغيرين، ولكن كبرنا وفهمنا.
وتابعت ابنة رياض الخولي: بابا رجل عصامي بنى نفسه بنفسه، ودايما بنعمل الحاجة بإيدينا عشان نحس بطعم النجاح، وهو دايما شخص مهموم بالآخرين، وبقول للصحفيين والإعلاميين متزعلوش من بابا عشان مش بيطلع يتكلم، سيبوا أعماله تتكلم عنه.
ابنة رياض الخولي: مش بودي ولادي مسرح في مصر بسبب التنمر
وتطرقت ابنة رياض الخولي، للحديث عن المسرح في مصر، مؤكدةً أنها لا تسمح لأولادها بالذهاب إليه، قائلةً: مش بودي أولادي مسرح في مصر، بسبب التنمر والإيحاءات الجنسية اللي بتكون موجودة.
رياض الخولي: كنت من المتعثرين في بداية حياتي
على جانب آخر، أكد رياض الخولي خلال الندوة، أنه كان متعثرًا في بداية حياته، قائلًا: أنا كنت من الناس المتعثرين في بداية حياتهم، وأمي كانت بتدعي ليا كل صلاة، كانت بتدعيلي خمس مرات في اليوم، وبستغرب الناس اللي بتعمل أكتر من عمل، بقول هما بيجيبوا وقت منين، وأنا بحترم ذاتي وبحترم آخر، وعشان كده بعمل عمل واحد.
