تامر حسني يكشف رأيه في الذكاء الاصطناعي: عمل اللي الفنانين مش بيعلموه مع بعض
كشف الفنان تامر حسني رأيه في تقنية الذكاء الاصطناعي، في ظل انتشاره مؤخرًا، كاشفًا الجانب الإيجابي والسلبي في هذه التقنية من وجهة نظره وموجهَا رسالة إلى الملحنين.
ونشر تامر حسني مقطع فيديو استخدم فيه صوته عن طريق الذكاء الاصطناعي لغناء أغنية مش قادر لـ الفنان سامو زين، وكتب: الجانب الجميل في الذكاء الاصطناعي إنه عمل اللي الفنانين مش بيعملوه مع بعض وقرب جماهير فنانين لبعض لما بيسمعوا أغاني مطربينهم بأصوات مطربين تانيين، ربنا يقربنا من بعض كده زي الذكاء الاصطناعي ما عمل كده من نفسه.
وأضاف تامر حسني: بس أتمنى من بعض الملحنين محدش يستخدم صوت فنان في لحن منزلش وينزله هو عشان ممكن الفنان لو سمعه قبل ما ينزل يحبه ويغنيه ولما الملحن ينزله بصوت الفنان ومن وراه بيبقى أولا مش حركة احترافية والفنان أكيد هياخد موقف كبير من الملحن اللي عمل كده ومش هيتعامل معاه تاني لعدم أمانته وغير كده بيبقىلحن اتحرق ولا يمكن يتغنى.
آخر أعمال تامر حسني
وتعد أغنية مش هتغير علشان حد آخر أغنيات تامر حسني، التي طرحها قبل أسبوعين وحققت 10 ملايين مشاهدة حتى الآن على موقع الفيديوهات يوتيوب، وهى من كلمات وألحان تامر حسني وتوزيع علي فتح الله، وقبلها طرح أغنية هرمون السعادة وحققت 23 مليون مشاهدة منذ طرحها قبل شهر، وهي من كلمات أحمد جابر وألحان علي الخواجة وتوزيع حاتم محسن.
