كريم عفيفي: راضٍ عن أعمالي الفنية.. ومبحبش أدخل في صراعات
تحدث الفنان كريم عفيفي، عن أعماله ورأي الجمهور فيها موضحا أنه لا يهتم بالمقارنات بين الأعمال وما يهمه فقط هو رأي الجمهور.
وقال كريم عفيفي، في تصريحات تلفزيونية: أنا بحب أشتغل وبس، ومبحبش أدخل في صراعات ومناوشات حتى لو على السوشيال ميديا، بشتغل عملت حاجة حلوة الناس بتقول حلوة، لو عملت حاجة وحشها الناس بتقول مكنتش قد كده، ببقى عارف أنا فين وماشي إزاي وإيه الخطوة اللي جاية ودي أهم حاجة.
وتابع كريم عفيفي: الحمد لله بيبقى عندي حالة رضا من عند ربنا على كل حاجة، وأنا مبفكرش في المقارنة تمامًا، أنا عارف اللي عندي وعارف أنا أقدر أقدم إيه.
أعمال كريم عفيفي
ومن ناحية أخرى، يعرض حاليًا للفنان كريم عفيفي في دور العرض السينمائي فيلم مطرح مطروح، والذي دارت أحداثه خلال فترة الأربعينات في مصر، حيث تتسبب الصدفة في تعرض موظف مصري وعائلته للخطر في أثناء نشوب حرب ما، وسرعان ما يحدث صراع بين الأسرة وقوات الجنود الأجنبية.
أبطال فيلم مطرح مطروح
شارك في بطولة فيلم مطرح مطروح، عدد كبير من نجوم الوسط الفني، وأبرزهم: الفنان محمود حميدة، الفنان كريم عفيفي، ليلى أحمد زاهر، شيماء سيف، سامي مغاوري، محمد السعدني، والعمل من تأليف محمد عز، وإخراج وائل إحسان.
