المتهم بقتل منجد المعادي: مراتي رفعت عليا قضية خلع علشان تتجوزه |تحقيقات
كشفت التحقيقات في القضية رقم 12126 لسنة 2023 جنايات حلوان، تفاصيل مقتل شاب يدعى أيمن عابد، والمعروفة إعلاميا بـ منجد المعادي، إلى وجود علاقة عاطفية فيما بين المجني عليه والمدعوة أ.ي - زوجة المتهم بقتل المجني عليه سيد.س، وعقب اكتشاف زوجها وجود تلك العلاقة قرر التخلص من المذكور وإزهاق روحه.
التحقيقات في قضية مقتل منجد المعادي
وحصل القاهرة 24 على نص التحقيقات في القضية، وجاءت أقوال المتهم كالتالي: اللي حصل إن مراتي قبل ما اتجوزها كانت مخطوبة لأيمن عابد -منجد المعادي-، وكان بيحاول يرجعلها ولما كانت بتروح مراتي عند أهلها كان بيحاول التواصل معاها، ومرة من خمس شهور حصل خناقة بيني وبينها وكانت قاعدة عند أهلها.
وأردف المتهم: لقيت بنتي جات قالتلي إن بنت أخت المجني عليه بتتواصل مع مراتي وبتقول كلام مش كويس عليا وبتقولها أخيرا هتطلقي ومراتي معندهاش واتس اب على الموبايل، وفي الفترةاللي كانت قاعدة عند أهلها لقيت إن الواتس بتاعها اتفتح وأنا عارف إن الواتس بتاعها مش بيفتح غير لما تحط الشريحة بتاعتها في موبايل ابني، لما رجع ابني سيف فتحت تليفونه علشان كنت حاسس إن هي ممكن تكون بتتواصل مع أيمن عابد -منجد المعادي-.
وأضاف المتهم: فتحت الواتس أب ملقيتش حاجة لكن لقيت رسايل نصية بإن رقم أيمن حاول الاتصال خمس مرات فقلت هم أكيد بيتكلموا وشكيت إن هي ممكن تكون بتقابله لأن من آخر مرة وهي ماسكة إنها تتطلق ورفعت عليا قضية خلع ده أكدلي إنها عاوزة تتخلص مني فابتديت أراقبها علشان أتاكد من الكلام ده وفعلا اتاكدت إنها بتقابله وإن فيه بينهم علاقة فروحت واجهتها نفت الكلام ده وقالت إن مفيش بينهم أي تواصل فقررت أتكلم مع أيمن واتفاهم معاه لإن كده بيخربلي بيتي.
مقتل منجد المعادي
وكانت بداية الواقعة، عندما تلقى مأمور قسم شرطة المعادي بلاغًا، بتغيب منجد يدعى أيمن -منجد المعادي- ع 42 سنة، ومقيم بحلوان، وله محل تنجيد بمنطقة حدائق حلوان منذ عدة أيام، وبإجراء التحريات تبين وجود خلاف بين زوج خطيبة المجني عليه السابقة والمقيم بمنطقة كوتسكيا، وأكدت التحريات وجود شبهة جنائية في الوفاة، وأن زوج خطيبة المجني عليه السابقة وراء ارتكاب الواقعة.
