مطرب الراب أرسينك يعلق على قرارات نقابة الموسيقيين: حسيت بخطر
كشف مؤدي الراب أرسينك رأيه في قرارات نقابة المهن الموسيقية بشأن شعبة الراب، مشيرًا إلى أنها ستؤثر على الأجيال القادمة.
وقال أرسينك خلال لقائه مع القاهرة 24: أنا كفنان شايف إن اللي بعمله مشروع حياتي، طبيعي لما أحس إن في أي خطر هاخد رد فعل دفاعي، لأنه هي الحاجة الوحيدة اللي معايا، وبعلن ده، والطرف التاني عارف ده، ومقدرش بسهولة إني أتخلى عن الحاجة الوحيدة اللي معايا، والحقوق بتاعتي.
وتابع أرسينك: عالميًا معترف إن هي حقوقي، ومش هقدر أتخلى عنها لأجل الدنيا تمشي، ومن ناحيتي ممكن أوقف ومحسش إن أنا اللي بعمله بيتم التحكم فيه، ومش هعرف أدي، ولا الجيل اللي هيعرف يشتغل، وهتفقد حتة كبيرة من صناع المزيكا في مصر من ناحية الشغف.
قرارات نقابة المهن الموسيقية بشأن شعبة الراب
وكانت جاءت قرارات نقابة الموسيقيين بشعبة الراب كالآتي: أن كل مطرب ينتمي لشعبة الراب سيظهر على المسرح وهو مصطحبًا 6 أفراد من الفرقة الموسيقية والتي تنتمي إلى النوع الغربي ومن يخالف ذلك سيعرض نفسه للعقاب. وأضاف مصطفى كامل: ويكون رفقة مطرب الراب العديد من الآلات الموسيقية مثل كيبورد ودرامز وجيتار ومؤثرات صوتية وجيتار أسباني، بالإضافة إلى عازفين غربيين.
آخر أعمال مؤدي الراب أرسينك
وكانت آخر أعمال مؤدي الراب أرسينك هي أغنية روك ستار، التي تعاون فيها مع مؤدي الراب مروان موسى، ونجحت الأغنية في تحقيق نجاح كبير.
