السيناريست مدحت العدل: محدش بيشتري المسلسلات التاريخية
تحدث السيناريست مدحت العدل عن سبب قلة الأعمال التاريخية في مصر، مشيرًا إلى أن السوق المتحكم في إنتاج هذه النوعية من الأعمال، ليس السوق المصري فقط.
وقال مدحت العدل خلال ندوته بالقاهرة 24: محدش بيشتري المسلسلات التاريخية؛ لأن السوق مش مصر بس، يعني لو أنا كتبت مسلسل عن محمود الخطيب وهو لاعب كرة كبير وصديقي ومحبوب وأسطورة عندنا في مصر، وهيكون قصة صعود ملهمة ومضمونة، ولكن لو بعته بره محدش هيشتريه عشان هو عندنا حاجة كبيرة إحنا، ومثلا الاهتمام في السعودية بلاعب سعودي مهم زي ماجد عبد الله هيكون أكبر.
وأضاف مدحت العدل: فيه أعمال بتكون محلية فقط، فلما تعمل مسلسل تاريخي عن مصر، الراجل اللي في الإمارات ماله ومال سعد زغلول؟، لكن تقدر تعمل عن المماليك مثلا أو ناس أثروا في المنطقة العربية كلها.
مدحت العدل: المجتمع اتغير عن زمان
وفي وقت سابق، أكد مدحت العدل أن قيم المجتمع المصري تغيرت تمامًا عن الفترات الماضية، قائلا: المجتمع دلوقتي اتغير وبقى يركز في كل حاجة وينتقدها، أنا مش مع القبلات أو ضدها لكن بتكلم في مفهوم وقيم المجتمع.
