أرملة سناء شافع بذكرى رحيله: في العناية المركزة مسك إيدي وقال لي عاوزك معايا وأنا روحي بتطلع
تحدثت ماجدة حافظ أرملة الفنان سناء شافع في ذكرى وفاته ورحيله، وعن تعامله مع أولادها والمشروع الذي كان يتمنى أن يقدمه قبل وفاته.
تصريحات أرملة سناء شافع في ذكرى رحيله
وقالت ماجدة حافظ خلال مداخلة هاتفية في برنامج الستات ما يعرفوش يكدبوا: سناء الله يرحمه ربى 5 عيال مش أولاده، وهما متأثرين بعدم وجوده، والـ 5 أولاد من زوجي الأول.. سناء شافع هو اللي رباهم هو اللي كان الأب وأنا مرات الأب.
وأضافت ماجدة حافظ: كان دايما بيوصيني على العيال ويقولي أنا مش بربي يتامى أنا بربي أولادي، ولما كان بيدي محاضرات في الأكاديمية يقولي اطلعي معايا وكنت دايما معاه سواء في سفر أو شغل.. وأخذت منه التسامح كان بيقولي يابخت من اللي قدر وعفي يابخت أنك تبقي متسامحه.
وعن آخر أيامه، أوضحت زوجته: قعد 21 يوم في العناية المركزة، وكان ماسك إيدي ومش عايزني أمشي، وقالي لما روحي تطلع عايزك تكوني موجودة، وكان نفسه يعمل حاجة خاصة بيه يدرس فيها، ولكن تكون تبع الدولة.
آخر أعمال سناء شافع
يعد آخر أعمال سناء شافع مسلسل القمر آخر الدنيا، وعرض العمل في السباق الرمضاني 2020، وضم عددا كبيرا من النجوم أبرزهم، بشرى، عمرو عابد، مؤمن نور، مادلين طبر، ثراء جبيل، هدى الإتربي، وعددا آخر من الفنانين، والمسلسل من تأليف محمود الورادني وإخراج تامر حمزة.
