ننشر أقوال فتاة أجنبية تتهم نجل شيف شهير حاول لمس جسدها
كشفت التحقيقات في القضية رقم 766 لسنة 2023 جنايات ثاني الشيخ زايد والمتهم فيها نور الدين.إ "نجل شيف شهير" يعمل سائق أوبر بتهمة التحرش بفتاة أجنبية الجنسية في أثناء توصيلها لأحد المولات الشهيرة بأكتوبر.
فتاة أجنبية تتهم نجل شيف شهير حاول لمس جسدها
وحصل القاهرة 24 على نص أقوال المجني عليها وجاءت كالآتي: اللي حصل إن يوم الواقعة حوالي الساعة واحدة الضهر راكبة مع سواق أبليكيشن ديدي أنا وصديقتي ولما هي نزلت تجيب حاجة من البقالة لقيت السواق بدأ يمسك إيدي اليسري بإيده اليمنى، وبدأ يمسك فخذي الأيسر من فوق ولما كان بيعمل كده كنت بقوله مبحبش حد يلمسني.
وأضافت المجني عليها: بعدها قالي انتي جربتي قبل كده فقولتله لا، فقالي متيجي نجرب ألمسك، فقولتله لا مبحبش حد يلمسني وفضل يلمسني وهو خلاني متوترة وخايفة، واتكسفت من الله، وأنا أول ما ابتدى يعمل كده قعدت أصوره من على الموبايل بتاعي وفضل يلمسني لحد ما صديقتي رجعت من محل البقالة وبعدها نزلت أنا وصديقتي من العربية وفضلت أبكي وصاحبتي صورت العربية، ورُحنا علطول القسم في نفس اليوم واديتهم التصوير وتاني يوم كلموني وقالولي إن هما مسكوا السواق.
وكانت البداية عندنا حررت المجني عليها محضرا بقسم الشيخ زايد ثان ضد شاب يدعي نور الدين.إ قائد سيارة لتحرشه بها عن طريق ملامسة ساقها من أعلى والتحرش بالألفاظ حال استقلالها السيارة بجواره لتوصيلها المحل سكنها بالشيخ زايد وتم ضبط المتهم.
