مدحت العدل: حاولت أنا وجمال العدل تقديم وجه الإسلام المشرق في عمل فني
أشار السيناريست مدحت العدل، إلى أنه والمنتج جمال العدل، حاولا من قبل، أن يقدما الإسلام في وجهه المشرق، في عمل فني.
وقال مدحت العدل خلال ندوته بالقاهرة 24: أنا وأستاذ جمال العدل حاولنا كذا مرة نقدم الإسلام في وجهه المشرق، تعالوا نعمل فيلم عن علماء الإسلام، بدل ما أقدم شخصية معينة زي ابن الهيثم مثلا، في مليار مسلم في باكستان، يعني لو عملت فيلم عن الإسلام كويس هيتباع، بس إحنا كشركة، هضطر أبيع عيالي وأبيع بيوتي عشان أعمل فيلم زي ده.
مدحت العدل: كنت أتمنى أقدم لأعلى سعر في 15 حلقة فقط
وعلى جانب آخر، كان كشف مدحت العدل، رغبته السابقة، في تقديم مسلسل لأعلى سعر بطولة الفنان نيللي كريم، في 15 حلقة فقط بدلًا من 30، وقال: كنت أتمنى أعمل مسلسل لأعلى سعر في 15 حلقة بس، هو الموضوع ميزيدش عن 15 حلقة، بس بتكون مضطر عشان الإعلانات مش هتيجي غير على الـ 30، فهو موضوع اقتصادي والإعلانات هي اللي بتمولنا كلنا، كمان مسلسل بـ 100 وش كان ممكن يخلص في 15 حلقة.
وأضاف مدحت العدل: لكن مثلا عمل زي حارة اليهود لـ منة شلبي، ممكن يتعمل 80 حلقة مش بس 30، لأنه بيناقش قضايا تاريخ مصر واليهود والمسيحيين والهجرة يعني قماشته كبيرة، لكن فيه موضوعات متستحملش أكتر من 15 حلقة.
فيلم ع الزيرو
جدير بالذكر، أنه يعرض حاليًا لـ مدحت العدل، فيلم ع الزيرو، في دور عرض السينمات، وهو بطولة الفنان محمد رمضان، وعدد آخر من الفنانين، أبرزهم الفنانة نيللي كريم، الطفل منذر مهران، وغيرهم.
