وكيل محمد صلاح بالتحقيقات: اكتشفت سرقة الفيلا لما لقيت النور والع وميدالية إفريقيا الفضة مش موجودة | خاص
حصل القاهرة 24 على نص تحقيقات سرقة فيلا محمد صلاح اللاعب الدولي ونجم منتخب مصر، والمحترف حاليا في نادي ليفربول الإنجليزي بالتجمع الأول.
تحقيقات سرقة فيلا محمد صلاح
كشفت تحقيقات سرقة فيلا محمد صلاح تفاصيل مثيرة في الواقعة، وذلك في القضية 4262 لسنة 2023 جنح التجمع الأول رقم الحصر 524 سنة الحصر 2023.
وجاءت أقوال هاني عبد القادر وكيل اللاعب محمد صلاح أمام جهات التحقيقات بعد سؤاله عن ما معلوماته بشأن الواقعة محل التحقيق، أجاب قائلًا: اللي حصل إن أنا ماسك شغل الكابتن محمد صلاح هنا فى القاهرة ولما يجي القاهرة لالتزاماته بروح الفيلا بتاعته بشوف لوازمها قبل ما يجي ويوم 12 / 3 / 2023 حوالي الساعة 7 الصبح روحت الفيلا ولما دخلت بالمفتاح فتحت باب الفيلا لقيت الفيلا مقلوبة والأدراج متفتحة والنور والع وأنا استغربت لأن الفيلا فاضية من حوالي شهر فدخلت وقعدت أنده على أساس إن حد من أهله موجودین محدش رد عليا فبصيت لقيت الشباك اللي فى الدور الأرضي السلك بتاعه مقطوع والأدراج متفتحة والدنيا مقلوبة في الفيلا من جوه وطلعت الدور اللي فوق لقيت برضه الادراج متفتحة والدواليب أبوابها مفتوحة بشكل غريب، فأنا قولت أكيد الفيلا اتسرقت ولقيت جزم مسروقة و4 ريسفرات وميدالية بطولة إفريقيا الفضة ومبلغ 75 ألف جنيه فكان بتاع الأمن أخد باله مني وكلم النقطة والشرطة جات وفحصوا المكان وعملوا معاينة عليه وعملت محضر والنيابة كلمتني علشان عايزين يسمعوا أقوالي فجيت على هنا النهاردة.
وبسؤاله عن متى وأين حدث ذلك أجاب وكيل محمد صلاح قائلا: الكلام دا حصل يوم 12 / 3 / 2023 حوالي الساعة 7 الصبح بالتجمع الأول.
أقوال وكيل اللاعب محمد صلاح أمام جهات التحقيقات
س: وما سبب ومناسبة تواجدك بالمكان والزمان سالفي الذكر؟
ج: أنا كنت هناك علشان محمد صلاح جاي کمان أسبوع فبروح أطمن على الفيلا وأشوف محتاجة أيه وأعمله.
س: من كان برفقتك آنذاك؟
ج: كنت لوحدي.
س: من تحديدا شخص مرتكب الواقعة محل التحقيقات؟
ج: معرفش.
س: ما هي كيفية اكتشافك للواقعة محل التحقيق تحديدا؟
ج: أنا لما دخلت لقيت الفيلا متنعكشة والأدراج متفتحة والنور مفتوح والسلك بتاع الشباك متقطع فاستغربت واكتشفت إنى فى حاجات مسروقة من الفيلا.
سرقة فيلا محمد صلاح
س: ملك من الوحدة السكنية سالفة البيان؟
ج: هي ملك الكابتن محمد صلاح.
س: ما صلتك بسالف الذكر تحديدا؟
ج: أنا مدير أعماله في مصر وصاحبه من وإحنا صغيرين.
س: من المقيم في العين محل الواقعة؟
ج: هو محمد صلاح لما بيجي بيقعد فيها ولما أهله بيجو من البلد بيقعدوا فيها.
س: هل من ثمة شخص يتردد على العين محل الواقعة؟
ج: لما أهله بينزلو من البلد بيقعدوا فبيها ولما محمد صلاح بيجى بيقعد فيها.
س: من تحديدا آخر شخص كان يتواجد بالعين محل الواقعة؟
ج: هو نصر أخو محمد صلاح الصغير.
