علاء مرسي: لو اتعرض عليا فيلم مرعي البريمو تاني هطلب تعديل.. وفكرة العمل كانت ناقصة
رد الفنان علاء مرسي، على الانتقادات التي تعرض لها فيلم مرعي البريمو، بطولة الفنان محمد هنيدي، والذي يعرض حاليًا في السينما.
انتقادات فيلم مرعي البريمو غير طبيعية
وقال علاء مرسي خلال تصريحات لـ القاهرة 24، إن فيلم مرعي البريمو حقق نجاحا واسعا رغم تعرضه للانتقادات، معلقًا: انتقادات فيلم مرعي البريمو غير طبيعية، أنا ممكن أحترم ناس متحبش الفيلم بشكل معين، ولكن في ناس بتنتقد من غير ما تتفرج، وياريت كل الناس تتفرج ولو معجبكش قوم امشي ده حقك لكن متنتقدش.
وعن تفاصيل شخصية علاء مرسي أوضح: لو اتعرض عليّا دوري في الفيلم تاني هطلب تعديل معين في الشخصية، لأني بشوف حاجات بقول ياريت كنت عملتها بشكل تاني، الدور كان كويس، ولكن الفكرة كانت ناقصة شوية حاجات اكتشفتها بعد ما الفيلم اتعرض كانت محتاجة تتعمل، ومفيش أي حاجة اتشالت من الفيديو، ومحمد هنيدي صاحبي وله ثقل وفاتحة خير على الأجيال دلوقتي وهو أهم نجم في الكوميديا في الألفية الأخيرة.
فيلم مرعي البريمو للفنان محمد هنيدي
وانقسمت الآراء حول فيلم مرعي البريمو، بين مؤيد ومعارض على مواقع التواصل الاجتماعي المختلفة.
ويشارك في فيلم مرعي البريمو العديد من الفنانين، أبرزهم الفنان محمد هنيدي، والفنانة غادة عادل، محمد محمود، علاء مرسي، أحمد بدير، مصطفى أبو سريع، والعمل من تأليف إيهاب بليبل، وإخراج سعيد حامد.
وعاد محمد هنيدي بفيلم مرعي البريمو مع المخرج السوداني سعيد حامد بعد ما يقرب من 19 عامًا، منذ فيلم يا أنا يا خالتي، الذي ظهر خلاله هنيدي بالزي النسائي وجسد شخصية الخالة نوسة ليناقش من خلال الفيلم الدجل والشعوذة.
