أسرة تستغيث من بطش تاجر في حدائق القبة: هددنا بالقتل وطردنا من بيتنا
استغاثت سيدة تدعى ليلى السيد 63 سنة من تاجر بأحد الأسواق بمنطقة مكاوي في حدائق القبة، مشيرة إلى أنه تعدى عليها وعلى أسرتها بشكل دائم ويهدد حياتهم رغبة منه في الاستيلاء على منزلهم الذي تركه زوجها بعد وفاته.
استغاثة أسرة من بطش تاجر في حدائق القبة
وقالت ليلى السيد لـ القاهرة 24، إن البداية عندما حدث خلاف بين أحد أبنائي وتاجر في منطقة مكاوي، بعد أن استغل الثاني مساحة المنزل ووضع عربة خضار وفاكهة أمام المنزل، واستمر الوضع حتى اعترض نجلي وتعدى التاجر عليه بالضرب ورفض ترك المساحة المتروكة أمام المنزل.
وتابعت ليلى: بعد فترة حصلت أكتر من مشكلة بسبب تجاوز التاجر، ولما أنا اعترضت على أفعال التاجر تعدى عليا بالضرب والسب والقذف في الشارع، وابني عشان ينهي المشكلة عرض عليه شراء المحل ولكن التاجر رفض، قائلا: مش بشتري محلات بفلوس وأنا كده مرتاح في السوق.
وأضافت ليلى: بعد ما التاجر تعدى عليا بالضرب أنا وأسرتي جاب لينا ناس مجهولة وطردنا من بيتنا واحنا عشان المشاكل عزلنا في بيت تاني، وناس كتير حاولت تتدخل عشان تحل الموضوع ده وتوقف التاجر ده عن أذيتنا لكن هو رفض كل المحاولات وحياتنا بقيت صعبة بسبب التاجر ده وبقيت خايفة على ولادي منه.
