ماجد المصري: عايدة الأيوبي بونبوناية العمل.. ونور النبوي ممثل راقي جدًا
تحدث الفنان ماجد المصري عن تفاصيل وكواليس فيلم 5 جولات قبل طرحه في دور العرض المصرية، غدًا الأربعاء 16 أغسطس.
وقال ماجد المصري لـ القاهرة 24: مصطفى درويش من الأعمدة الأساسية اللي شالت أعباء الفيلم ده على كتافها وكنت أنا وهو بنساعد الشباب نطلع بفيلم شكله حلو المسألة مش مين بطل؟ كل واحد بيعمل دوره وبنساعد الشباب وربنا أكرمنا الحمد لله.
وأضاف ماجد المصري: حسيت إنه دور مختلف سبايسي جدًا بتاع الشارع والناس مش مجرد دور وخلاص، لكن هو دور فعال جدًا ومن خوفه وحبه لأولاده الزيادة تحسوا إنه قاسي على أولاده ولكن مفيش حد بيكره ابنه، نور النبوي ممثل راقي أوي وفاهم كويس.
أما عن تعاونه مع الفنان نور النبوي، أكمل ماجد المصري: شاطر أوي أوي وفاهم وعنده تفاعل حلو وممثل متأسس صح، وآدم الشرقاوي ما شاء الله على القبول اللي عنده وجاي في السينما والناس بتحبه، وداليا شوقي عسلية وعامله دور يجنن، وعايدة الأيوبي ديه بونبوناية الفيلم.
واختتم ماجد المصري حديثه، قائلًا: بقول للجمهور اتفرجوا على الفيلم وبأمانة مش هتندموا هو مش مجرد ضرب ودراما بس لا هو فيلم يستحق المشاهدة.
أبطال فيلم 5 جولات
يشارك في فيلم 5 جولات العديد من الفنانين، منهم: ماجد المصري، عايدة الأيوبي، داليا شوقي، آدم الشرقاوي، نور النبوي، مصطفى درويش، لطيفة فهمي، سالي رشاد، والفيلم من تأليف محمد عبد المعطي، وإخراج مازن أشرف.
