طارق السيد: الزمالك ماشي بسياسة وان مان شو.. وشيكابالا شال النادي في أوقات صعبة
انتقد طارق السيد نجم الزمالك السابق، مسؤولي نادي الزمالك في الوقت الحالي، وطريقة إدارة القلعة البيضاء.
تصريحات طارق السيد
وقال طارق السيد في تصريحات تلفزيونية: رسالتي لمسؤولي الزمالك، اسكتوا، واشتغلوا.
وأضاف طارق: النادي قائم على سياسة وان مان شو، ومفيش حاجة بتحصل صح وأنا مبخافش ومش عايز أي مصالح.
وواصل لاعب الزمالك السابق: النادي معندوش مدير تعاقدات، ومعندوش أي حاجة ماشية صح دلوقتي.
وانتقد طارق السيد نجم الزمالك السابق، هجوم قناة الزمالك على محمود عبد الرازق شيكابالا قائد الفريق الأول لكرة القدم بالنادي، قائلا: هجوم قناة الزمالك ضد قائد الفريق غير مقبول.
واستطرد: قائد الزمالك شال الفريق كتير في أوقات أصعب من دي، إزاي قناة الزمالك بجلالة قدرها بتهاجم قائد الفريق.
وأكمل طارق السيد: إمام عاشور كان نفسه يرجع الزمالك، وكلمته قالي أنا شاري نادي الزمالك وعندي استعداد أروح الزمالك ومش راجع ميتلاند تاني، لكن كان في ظروف معينة في نادي الزمالك منعت ذلك.
واختتم: الزمالك مش هيقف على حد حازم إمام بطل وناس كتير بطلت والزمالك كمل.
