علي الحجار: الأطباء مانعيني أقف أو أقعد فترة طويلة لكني بغني على المسرح 3 ساعات
تحدث المطرب علي الحجار عن حبه للحفلات والوقوف أمام الجمهور، مشيرًا إلى أنه ممنوع من الوقوف لفترة طويلة ورغم ذلك يغني لمدة 3 ساعات.
وقال علي الحجار خلال تصريحات إذاعية: ما لا يعرفه الجمهور أن الأطباء مانعيني أقف أو أقعد فترة طويلة بسبب مشكلة في ظهري ولكني بغني على المسرح 3 ساعات لإني بمجرد ما أشوف الجمهور بنسى أي ألم وبكون في حالة خاصة.
كما تطرق علي الحجار للحديث عن بداياته الفنية، قائلا: بداية الاحتراف بالنسبة لي من أول فرقة التخت العربي قبل ما أقابل بليغ حمدي ودا كان سنة 1974 ودا معناه إني بقالي 50 سنة محترف غناء والأغاني بتاعتي أصبحت تراث زي أغنية عارفة وهي من 32 سنة.
وأضاف علي الحجار: أنا عملت 50 أغنية في الـ 3 سنين اللي فاتوا، ولكن المشكلة إن زمان كانت
الأغاني بتتعرض على قنوات محددة والراديو وبالتالي الجمهور كان بيسمعها ويحفظها، ولكن الآن عشان تعمل أغنية وتوزعها على 1000 قناة أو تحطها على السوشيال ميديا لازم تدفع أكتر من 100 ألف جنيه دعاية فقط عشان تنتشر ودا شيء صعب.
حفلات علي الحجار
ومن ناحية أخرى، يستعد علي الحجار لإحياء حفل يوم 20 أغسطس الجاري في ساقية عبد المنعم الصاوي بمنطقة الزمالك، وذلك بعدما أحيا حفلا جماهيريا يوم 11 أغسطس الماضي في الإسكندرية.
