قربت لربنا أكتر.. عايدة رياض تتحدث عن فترة إصابتها بالسرطان
تحدثت الفنانة عايدة رياض عن سبب رفضها الرقص الشرقي في الفنادق، إلى جانب حديثها عن فترة مرضها بالسرطان وكيف عاشت الألم حينها وما اكتسبته من هذه المحنة.
وقالت عايدة رياض، خلال تصريحات تليفزيونية، إنها كانت تتمنى الرقص الشرقي، وكانت متمكنة منه وتحبه بشكل كبير ولكن رفضت أن ترقص؛ لأن الظروف وقتها لم تكن مناسبة نفسيًا وأسريًا، موضحة: كنت هدخل في خلافات مع عائلتي، وأنا مكنتش ناقصة خلافات.
عايدة رياض تتحدث عن إصابتها بالسرطان
كما تحدثت عايدة رياض عن فترة إصابتها بالسرطان عام 2015 قبل شفائها منه، قائلة: صعب أشرح أحاسيسي وقتها ولكن اتخضيت وما أعلنتش إلا بعد 3 سنين كنت فاكرة إني هتكل على الله وكنت عايشة في حالة رعب، لكن ربنا بيدي البلاء ويدينا حاجات حلوة مش عارفين قيمتها يدينا سكينة ونسيان أو القناعة وعزة النفس حاجات مش إحنا اللي بنصنعها كل واحد بيدي له حاجات جميلة مش بنقدرها.
وأضافت عايدة رياض: ساعة المرض الواحد بيقرب لربنا، وطول الوقت موجود جوايا إن فيه ربنا ولكن لما تدخلي في محن بتتقربي أكتر لربنا والمرض عرفني إن مفيش أي حاجة في الحياة تستاهل، وكنت بحس إن ربنا إداني كتير بعد ما انفصلت اشتغلت وعملت نفسي واللي حواليا اللي محتاج ركزت نفسي وما بقتش محتاجة لأي حد ولما تعبت مبقتش محتاجة لحد.
