زوج البلوجر هبة السيد: ابنها قفلها حساب البنك فقررت تفضح علاقته بشقيقته |خاص
حصل القاهرة 24 على التحقيقات في قضية البلوجر هبة سيد، صاحبة قناة أم زياد وهبة بمواقع التواصل الاجتماعي، وحوت أقوال نجل المتهمة تفاصيل اتهام والدته بالإتجار بالبشر، وذلك من خلال تعاملها في أشخاص طبيعيين هم أطفالها؛ حيث استخدمتهم بإظهارهم في مقاطع مرئية نشرتها عبر حساباتها بمواقع للتواصل الاجتماعي من أجل رفع نسب مشاهداتها، للحصول من إدارات تلك المواقع على أرباح زائدة نظير تلك المشاهدات.
ننشر أقوال زوج البلوجر هبة السيد
وينشر القاهرة 24 أقوال زوج البلوجر هبة السيد بالتحقيقات في القضية التي حملت رقم 7944 لسنة 2023 مركز الخصوص، والمتهمة فيها البلوجر هبة سيد صاحبة قناة أم زياد وهبة، وابنها وزوجها.
وجاء نص التحقيقات كما يلي:
س: ما معلوماتك بشأن الواقعة محل التحقيق؟
ج: اللي حصل إني متجوز من البلوجر هبة السيد وهي بتعمل فيديوهات على اليوتيوب والتيك توك والفيس بوك واللي بيساعدها على كدا هو ابنها بيجهز معدات التصوير من الإضاءة والكاميرا والميكروفون وبيصور الفيديو ويعملوا مونتاج وينزله على القناة.. واللي أعرفه إن هو اللي بيقدر يتحكم في نشر الفيديو وتحقيق الربح اللي بيحصل في القناة بسبب الفيديوهات اللي بتنزل وهو اللي يقدر يقفل حساب القناة واللي أنا أعرفه قبل الفيديو اللي عملته مراتي واتكلمت فيه عن علاقة نجلها وشقيقته.
وأردف زوج البلوجر هبد السيد: ابنها كان ققلها الحساب البنكي بتاع القناة وهي كانت قالتلي قبل كدا إن فيه حاجة حصلت بين محمد وحبيبة قبل ما أنا اتجوزها بسنة وقبل ما تطلق من أبو ولادها، ولما محمد قفلها الحساب بتاع القناة قامت عملت الفيديو اللي اتكلمت فيه عن العلاقة دي لإنها كانت غضبانة من محمد وزعلانين من بعض وكانت طردته هو وحبيبة ودا كل اللي أنا أعرفه.
س: متى بدأت علاقتك الزوجية فيما بينك وبين المتهمة البلوجر هبة السيد تحديدا؟
ج: أنا اتجوزتها بعد انتهاء عدتها بنحو 10 أيام وعشت معاها في الشقة بتاعتها أنا وأولادها.
س: وهل أثمرت تلك العلاقة فيما بينكما عن إنجاب؟
ج لا هي حامل مني ولسه هتولد بعد شهرين
س: وما معلوماتك بخصوص ما أثارته زوجتك المتهمة بشأن المقطع المرئي الأخير فيما يخص نجليها بأن هناك علاقة هتك عرض وقعت بينهما؟
ج: هي مراتي كانت قالتلي الكلام دا قبل كدا وسمعتها وهي بتكلم ابنها وشقيقته في الموضوع دا وزي ما تكون كانت بتعاتبهم لكن أنا مشوفتش ما بينهم حاجة.
س: وما الدافع من قيام زوجتك بنشر ذلك المقطع المرئي والتحدث فيه فيما يخص نجليها من علاقة وقد ذكرت ما رددت به لك أن ما وقع كان منذ عامين؟
ج: هي ممكن تكون عملت كدا عشان خلافها مع ابنها وأخته لما طردتهم بسبب إنهم اتأخروا عليها وفضلوا عند أبوهم يوم العيد وهي كانت عايزة تعمل جلسة تصوير علشان العيد وتنشر فيديو بكدا بس ابنها مجلهاش من عند أبوه ودا اللي خلاها تطردهم.
س: وكيف علمت زوجتك بشأن غلق حسابها البنكي الخاص بالربح من منصات السوشيال ميديا؟
ج: هي راحت البنك عشان تسحب الفلوس بالفيزا الخاصة باليوتيوب بعد ما جالها رسالة بالربح ولما راحت لقت الحساب البنكي مقفول وعرفت إن محمد ابنها هو اللي قفله.
س وما هو التصرف الذي بدر من زوجتك إزاء ذلك؟
ج: هي لما محمد قفل الحساب البنكي بتاعها قامت مصورة فيديو واتكلمت فيه عن علاقة محمد وحبيبة والوضع اللي شافتهم فيه واللي كانت قالتلي عليه قبل كدا ونزلت الفيديو على القناة.
